پیپلز پارٹی کو تحصیل بورے والا میں مضبوط،منظم اور فعال بنایا جائے گا۔کامران یوسف

بورے والا(چوہدری اصغر علی جاوید سے)پیپلز پارٹی یورپ کے سابق کوآرڈنیٹر اور سابق امیدوار قومی اسمبلی چوہدری کامران یوسف گھمن نے کہا ہے کہ ملک میں بدترین آمریت کے دور میں بھی پیپلز پارٹی نے آمرانہ ہتھکنڈوں کا ڈٹ کر مقابلہ کیا ہے،موجودہ سول آمروں کا بھی میدان مقابلہ کریں گے،ان خیالات کا اظہار انہوں نے گذشتہ روز اپنے مرکزی آفس میں پیپلز پارٹی کے تنظیم سازی کے سلسلہ میں منعقدہ اجلاس سے خطاب کرتے ہوئے کیا انہوں نے کہا کہ پہلے بھی پیپلز پارٹی کے راہنماﺅں کے خلاف پروپیگنڈہ کیا جاتا رہا ہے اب بھی بے بنیاد اور من گھڑت باتیں کی جا رہی ہیں جنکا حقیقت سے دور بھی واسطہ نہیں ہے انہوں نے مزید کہا کہ پیپلز پارٹی تحصیل،سٹی اور دیگر تنظیموں کے عہدیداروں کی نامزدگی کا اعلان صوبائی صدر مخدوم احمد محمود کے غیرملکی دورہ سے واپسی پر کیا جائیگا چوہدری کامران یوسف نے کہا کہ پیپلز پارٹی کو تحصیل بورے والا میں مضبوط،منظم اور فعال بنایا جائے گا اس سلسلہ تمام صلاحیتیں بروئے کار لائی جائیں گی اجلاس سے محمد صدیق بھلر،چوہدری نعمان رشید،حاجی عنایت اللہ وسیر،عبدالستار آرائیں،ماسٹر اے ڈی گگومنڈی،غلام حیدر جٹ،محمود احمد بھٹی اور دیگر نے بھی خطاب کیا پیپلز پارٹی کو منظم اور فعال بنانے میں چوہدری کامران یوسف گھمن کی کاوشوں کو خراج تحسین پیش کیا اور انہیں پیپلز پارٹی تحصیل بورے والا کا صدر بنانے کا مطالبہ کیا اس موقع پر شیخ اکرم ٹکا،ملک صغیر انجم،پرویز ندیم،سید بدر منیر شاہ،ملک بغداد احمد،سید بدر منیر شاہ،مرزا محبوب ربانی اور دیگر بھی موجود تھے تقریب میں ریاض شاہ،شیخ منور حسین،حاجی عبدالشکور،اسد پرویز،محمد اقبال،محمد جمیل،لیاقت علی،جمیل احمد،چوہدری محمد حسن،زاہد لودھی،سابق کونسلر محمد حنیف اور محمد لطیف نے پیپلز پارٹی میں شامل ہونے کا اعلان کیا۔