درخت ہماری زندگی ہیں اور آئندہ آنے والی نسلوں کو آلودگی سے پاک ماحول فراہم کریں گے۔حسنین خالد
بورے والا(چوہدری اصغر علی جاوید سے)اسسٹنٹ کمشنر بورے والا حسنین خالد سنپال نے کہا ہے کہ درخت ہماری زندگی ہیں اور آئندہ آنے والی نسلوں کو آلودگی سے پاک ماحول فراہم کریں گے،وزیر اعظم پاکستان کے ویژن ”کلین اینڈ گرین پاکستان“ کو کامیابی سے ہمکنار کر کے ہم اپنے ملک کو آلودگی سے پاک ایک سرسبز و شاداب خطہ بنا سکتے ہیں،سول سوسائٹی نیٹ ورک کی جانب سے عام شہریوں کے علاوہ سرکاری تعلیمی اداروں اور دیگر سرکاری اداروں کو مفت پودوں کی تقسیم قابل ستائش ہے پودوں کی مفت تقسیم کے اس نیک مشن پر تنقید کرنے والوں کو اپنے اور اپنی آئندہ آنے والی نسلوں کے مستقبل سے کوئی سروکار نہیں لیکن اس نیک کام میں حصہ لینے والے افراد معاشرے کے لیے قابل فخر اور دوسروں کے لیے قابل تقلید ہیں ہم سب کو ملکر اس ارض وطن کو سر سبز و شاداب بنانا ہے،ان خیالات کا اظہار انہوں نے سول سوسائٹی نیٹ ورک کی جانب سے گورنمنٹ کالج ہاسٹل گراﺅنڈ میں سرکاری سکولوں کو 3ہزار مفت پودے تقسیم کرنے کے موقع پر پودا لگانے کے بعد میڈیا سے گفتگو کرتے ہوئے کیا اس موقع پر سی ایس این کے ڈپٹی کنونیئر چوہدری اصغر علی جاوید،سیکرٹری کوآرڈینیشن سید زاہد حسین مشہدی،انچارج سرسبز و شاداب مہم حافظ جنید احمد،احتشام داﺅد،چوہدری مسعود عابد،اے ای او محکمہ تعلیم چوہدری محمد افضل،چوہدری اکرام الحق اور دیگر نمائندہ شخصیات بھی موجود تھیں۔
About Author
