ڈی سی عرفان علی کاٹھیا نے ٹی ایچ کیو ہسپتال میں بننے والی نئی بلڈنگ کے تھرڈ فلور کا افتتاح کر دیا
بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ حکومت پنجاب عوام کو صحت کی بہترین سہولیات فراہم کرنے کیلئے کوشاں ہے،صحت کے شعبے میں تیزی سے بہتری آ رہی ہے جس سے عوام کو بہتر طبی سہولیات فراہم ہو رہی ہیں،ان خیالات کا اظہار انہوں نے تحصیل ہیڈ کوارٹر ہسپتال کی اپ گریڈیشن کے حوالے سے بننے والی نئی بلڈنگ کے تھرڈ فلور کا افتتاح کرنے کے بعد میڈیا سے گفتگو کرتے ہوئے کیا اس مو قع پر اسسٹنٹ کمشنر بورے والا حسنین خالد سنپال،سول سوسائٹی نیٹ ورک کے پیٹرن انچیف شیخ شہزاد مبین،سی ای او ہیلتھ ڈاکٹر ارشد ملک،ڈپٹی ڈائریکٹر ڈویلپمنٹ مظفر خان،ایم ایس ٹی ایچ کیو ڈاکٹر امجد شکیل،ڈپٹی ایم ایس ڈاکٹر عمران بھٹی اور ضلعی صدر انجمن تاجران محمد جمیل بھٹی بھی موجود تھے ڈپٹی کمشنر عرفان علی کاٹھیا نے مزید کہا کہ نیو بلاک کی تعمیر تحصیل ہیڈ کوارٹر ہسپتال بورے والا کی 60 بیڈز سے 150 بیڈز تک اپ گریڈیشن کا حصہ ہے جس سے اس علاقے کے لوگوں کو بہترین طبی سہولیات فراہم ہوں گی نیو بلاک کی تعمیر میں کچھ مسائل حائل تھے جن کو ترجیح بنیادوں پر حل کرایا گیا اور آج اس کی تکمیل ہو گئی ڈپٹی کمشنر عرفان علی کاٹھیا نے مزید کہا کہ نیو بلاک کی تعمیر میں محکمہ بلڈنگ کے افسران کی خدمات شامل ہیں بہت جلد ایمرجنسی بلاک کی تعمیر و آرائش کا کام بھی مکمل ہو جائے گا جس سے ٹی ایچ کیو ہسپتال بورے والا ایک بہترین ہسپتال بن جائے گا نئی بلڈنگ بننے سے ڈاکٹروں اور مریضوں کو بہترین ماحول میسر آئے گا جس سے ڈاکٹرز کو بھی اپنا کام کرنا آسان ہو گا ڈپٹی کمشنر عرفان علی کاٹھیا نے کہا کہ سول سوسائٹی نیٹ ورک کے پیٹرن انچیف شیخ شہزاد مبین اور جمیل بھٹی کی ٹی ایچ کیو ہسپتال کیلئے خدمات قابل تعریف ہیں ان کے تعاون سے بہت سے نادار اور مستحق مریضوں کی مدد ہوتی ہے قبل ازیں ڈپٹی کمشنر عرفان علی کاٹھیا نے ہسپتال کے سبز زار میں پودا بھی لگایا۔
About Author
