سرکاری تعلیمی اداروں کی کارکردگی کسی طور پر نجی تعلیمی اداروں سے کم نہیں۔چوہدری محمد معروف
بورے والا(چوہدری اصغر علی جاوید سے)ڈسٹرکٹ ایجوکیشن آفیسر ایلیمنٹری چوہدری محمد معروف نے کہا ہے کہ سرکاری تعلیمی اداروں کی کارکردگی کسی طور پر نجی تعلیمی اداروں سے کم نہیں،تعلیمی اداروں کو ڈسٹ فری اور سرسبز و شاداب بنانے کے رجحان سے سرکاری تعلیمی ادارے عوام کی توجہ کا مرکز بن رہے ہیں،حکومت تعلیمی اداروں میں سٹاف کی کمی،نئے کلاس رومز کی تعمیر اور دیگر بنیادی سہولتوں کی فراہمی پر توجہ دے رہی ہے،سرکاری تعلیمی اداروں میں داخلے کی شرح میں حوصلہ افزاء اضافہ قابل ستائش ہے،حکومت بہت جلد سرکاری سکولوں میں ڈبل شفٹ کے تحت شام کی کلاسسز کا اجراء بھی کر رہی ہے جس میں اعلیٰ تعلیم یافتہ مقامی اساتذہ کو ترجیح دی جائے گی سکول کونسلیں اس حوالہ سے جو سفارشات دیں گی اُن پر عمل درآمد یقینی بنایا جائے گا،ان خیالات کا اظہار انہوں نے گورنمنٹ ایلیمنٹری بوائز سکول 509ای بی میں منعقدہ سالانہ تقریب تقسیم انعامات سے خطاب کرتے ہوئے کیا تقریب سے ڈپٹی ایجوکیشن آفیسر چوہدری رشید عابد،اے ای او محمد افضل علی،سول سوسائٹی نیٹ ورک کے ممبر چوہدری محمد اشرف اور دیگر مقررین نے بھی خطاب کیا اس تقریب میں اے ای او عرفات احمد،چیئرمین برائٹ ویڑن ویلفیئر فاﺅنڈیشن ڈاکٹر محمد نعمان،ہیڈ ماسٹر ریاض الحسن،وسیم افضل گجر،سول سوسائٹی نیٹ ورک کے ڈپٹی کنونیئر چوہدری اصغر علی جاوید،سید زاہد حسین مشہدی،حافظ جنید احمد اور چوہدری مسعود عابد بھی موجود تھے تقریب میں برائٹ ویژن ویلفیئر فاﺅنڈیشن کی طرف سے طلباء میں مفت یونیفارم بھی تقسیم کی گئیں۔
About Author
