لاری اڈا پر فائرنگ،چوہان اور سومی گجر گروپ کے 40افراد کے خلاف مقدمہ درج،8افراد گرفتار
بورے والا(چوہدری اصغر علی جاوید سے)لاری اڈا پر متحارب ٹرانسپورٹر گروپوں کے مابین فائرنگ کا واقعہ،تین راہگیروں کی ہلاکت اور چھ راہگیروں کو زخمی کرنے کا مقدمہ درج،دونوں گروپوں کے 40 سے زائد افراد کے خلاف مقدمہ درج،مقدمہ میں دہشت گردی،قتل اور اقدام قتل کی دفعات شامل،ملزمان میں پی ٹی آئی کے متعدد راہنماء بھی شامل،سابق ایم این اے قربان علی چوہان کے بیٹے اور بھتیجوں پر بھی مقدمہ درج،آٹھ سے دس افراد کو حراست میں لیا جا چکا ہے،پولیس،تفصیلات کے مطابق گزشتہ روز لاری اڈا بورے والا پر ٹرانسپورٹ سے منسلک دو متحارب گروپوں چوہان گروپ اور سومی گجر گروپ کے مابین بسیں کھڑی کرنے اور زبردستی سواریاں بٹھانے کے تنازعہ پر دونوں جانب سے اندھا دھند فائرنگ کے نتیجہ میں تین راہگیر دو رکشہ ڈارائیور اور ایک سویپر جان سے ہاتھ دھو بیٹھے تھے اس المناک واقعہ میں ایک خاتون سمیت چھ افراد شدید زخمی ہو گئے تھے جسکا مقدمہ تھانہ سٹی کے ایس ایچ او ناصر محمود کی مدعیت میں درج ہو گیا مقدمہ میں چوہان گروپ کی جانب سے سابق ایم این اے چوہدری قربان علی چوہان کے بیٹے پی ٹی آئی کے راہنماء چوہدری ذوالفقار علی چوہان انکے بھتیجے چوہدری سعید چوہان،فیاض چوہان،محمد شفیق گجر،محمد نوید گجر،حافظ راشد ستار،راشد رامے،شرافت علی،ندیم اکرم گجر،وسیم اکرم گجر،اسد ڈوگر،شرافت علی چوہان،راشد منہاس،محمد احمد،حافظ عمر،نفیس احمد گوگا اور 6/5 نامعلوم افراد جبکہ رشید سومی گجرگروپ کے رشید احمد سومی،نعیم اختر،وسیم اختر،سلیم اختر،ذوالفقار علی پسران رشید احمد سومی گجر،محمد صدیق،سعید احمد،عابد نوید،خالق نوید،خالد نوید پسران صدیق عرف نتھو،محمد مزمل،مہر شوکت،تنویر احمد،رانا محسن،نوید ولد منظور اور 5/6 نامعلوم افراد کے خلاف انسداد دہشت گردی ایکٹ،قتل،اقدام قتل اور دیگر سنگین دفعات کے تحت مقدمہ درج کر لیا گیا ہے اس واقعہ میں جاں بحق ہونے والے تینوں افراد جن انتہائی غریب گھرانوں سے تعلق رکھتے تھے اور اپنے گھروں کے واحد کفیل تھے تینوں جاں بحق افراد کو انکے آبائی علاقوں میں سپرد خاک کر دیا گیا اس افسوسناک واقع پر شہریوں نے اسکا ذمہ دار سیکرٹری آر ٹی وہاڑی کو ٹھراتے ہوئے کہا ہے کہ لاری اڈا پر ان گروپوں کے مابین پہلے بھی فائرنگ کا واقعہ رونما ہوچکا ہے لیکن سیکرٹری آرٹی نے کوئی ایکشن نہیں لیا جسکی وجہ سے دونوں گروپوں کے مابین کشیدگی کے نتیجہ میں یہ بڑا واقعہ روانماء ہوا ہے دریں اثناء معلوم ہوا ہے کہ ضلعی انتظامیہ کی ہدایت پر مقامی انتظامیہ نے چوہان لگڑری کوچز کو سیل کر دیا۔
About Author
