لاری اڈا پر دو ٹرانسپورٹر گروپوں کے مابین فائرنگ،تین راہگیر جاں بحق،6 افراد شدید زخمی

بورے والا(چوہدری اصغر علی جاوید سے)لاری اڈا پر دو ٹرانسپورٹر گروپوں کے مابین اندھا دھند فائرنگ کا تبادلہ،فائرنگ کی زد میں آ کر ایک راہگیر ہلاک جبکہ ایک خاتون مسافر سمیت 9 راہگیر شدید زخمی ہو گئے،زخمیوں میں ایک کی حالت نازک بیان کی جاتی ہے،تفصیلات کے مطابق جنرل بس سٹینڈ پر آج دو متحارب ٹرانسپورٹ گروپوں چوہان اور سومی گجر گروپ کے مابین لاری اڈا پر بسیں کھڑی کرنے پر دن گیارہ بجے کے قریب چیچہ وطنی روڈ پر بس کھڑی کرنے پر دونوں گروپوں میں جھگڑا ہوا جس میں مکوں اور گھونسوں کا آزادانہ استعمال ہوا جسکے چند گھنٹوں بعد دونوں گروپوں کے اسلحہ بردار آمنے سامنے آ گئے اور ایک دوسرے پر اندھا دھند فائرنگ شروع کر دی جسکے نتیجہ میں بستی عیسائیاں والی کا نوجوان سلطان مسیح فائرنگ کی زد میں آ کر ہلاک ہو گیا جبکہ ایک مسافر خاتون کے علاوہ آٹھ راہگیر محمد اویس سکنہ مجاہد کالونی،ارشاد احمد سکنہ کچی آبادی پی بلاک،توقیر احمد غلام مصطفےٰ،ندیم اکبر 421 ای بی،نوید ولد منظور سکنہ غازی آباد،اویس احمد اور رشید سومی گجر کے بیٹے نعیم رشید سمیت 9 افراد شدید زخمی ہو گئے زخمیوں میں اویس احمد کو تشویشناک حالت میں نشتر ہسپتال ملتان منتقل کر دیا گیا تمام ملزمان موقع سے فرار ہو گئے واقعہ تھانہ صدر سے چند سو گز کے فاصلہ پر ہوا لیکن تھانہ صدر پولیس ایک گھنٹہ تاخیر سے پہنچی واقعہ کی اطلاع ملنے پر ای ایس پی آصف رضا پولیس کی بھاری نفری کے ہمراہ موقع پر پہنچ گئے مقتول نوجوان کے ورثاء نے اس واقعہ کے خلاف لارہ اڈا پر احتجاجی مظاہرہ کرتے ہوئے تمام روڈز کی ٹریفک بلاک کر دی اور ملزمان کی گرفتاری تک احتجاج جاری رکھنے کا اعلان کیا دریں اثناء لاری اڈا میں دو ٹرانسپورٹ گروپوں کے مابین فائرنگ کی زد میں آنے والا ایک اور زخمی راہگیر محمد اویس بھی چل بسا محمد اویس کو تشویشناک حالت میں نشتر ہسپتال ملتان منتقل کیا گیا تھا کہ راستے میں ہی دم توڑ گیا جاں بحق ہونے والا مجاہد کالونی کے رہائشی شوکت علی کا بیٹا رکشہ ڈرائیور اویس تھا قبل ازیں لاری اڈا میں دو ٹرانسپورٹ گروپوں کے مابین فائرنگ کی زد میں آ کر زخمی ہونے والا ایک اور شخص 50 سالہ غلام مصطفےٰ سکنہ 431 /ای بی بھی چل بسا،جاں بحق ہونے والوں کی تعدا 3 ہو گئی۔