ٹی ایچ کیو ہسپتال کے سیکورٹی گارڈ کا پارکنگ ٹوکن نہ لینے پر خاتون پر وحشیانہ تشدد،نومولود بچہ جاں بحق

بورے والا(چوہدری اصغر علی جاوید سے)ٹی ایچ کیو ہسپتال کے سیکورٹی گارڈ اور پارکنگ ٹھیکیدار کے عملہ کا پارکنگ ٹوکن نہ لینے پر خاتون اور اسکے دیور پر وحشیانہ تشدد،دوران تشدد ماں کی گود سے دو دن کا نومولود بچہ زمین پر گر کر جاں بحق،بچے کا چچا زخمی،ورثاء کا نعش سڑک پر رکھ کر احتجاجی مظاہرہ،ٹائر جلا کر ملتان روڈ بلاک کر دی،مشتعل مظاہرین نے تشدد میں شامل ایک سویپر کو دھر لیا،ورثاء کی ہسپتال سیکورٹی عملہ اور پارکنگ ٹھیکیدار کے خلاف نعرے بازی،تفصیلات کے مطابق نواحی آبادی معصوم شاہ کالونی کا رہائشی محمد عمران اپنی بھابھی اور اسکے دو دن کے نومولود بیٹے کو ایمرجنسی کی حالت میں ہسپتال علاج معالجہ کی غرض سے لیکر آئے اور جلدی میں پارکنگ سٹینڈ کا ٹوکن لیے بغیر اندر چلے گئے کہ اسی دوران ان کا پیچھا کر تے ہوئے پارکنگ عملہ،سیکورٹی گارڈ اور سویپر نے انہیں روک کر عمران پر وحشیانہ تشدد شروع کر دیا ڈنڈوں سے اسے شدید زخمی کرنے کے علاوہ اسکی موٹر سائیکل کو بھی بری طرح نقصان پہنچایا اسی لڑائی کے دوران ماں کی گود سے اس کا نومولود بیٹا زمین پر گر گیا اور موقع پر ہی جاں بحق ہو گیا جس پر بچے کی والدہ اور زخمی چچا نے اپنے دیگر رشتہ داروں کو بلوا کر ہسپتال کے باہر ملتان روڈ پر جا کر احتجاجی مظاہرہ شروع کر دیا جہاں سینکڑوں شہری بھی ان کی ہمددردی کے لیے ہسپتال کے عملہ کی اس مبینہ غنڈہ گردی کے خلاف احتجاج میں شریک ہو گئے اور ٹائر جلا کر روڈ بلاک کر دیا اسی دوران چند مشتعل مظاہرین ہسپتال میں داخل ہو گئے جہاں انہوں نے وہاں موجود اس واقعہ میں شریک سویپر کو پکڑ کر تشدد کا نشانہ بنانے کے بعد پولیس کے حوالے کر دیا واقعہ کی اطلاع ملتے ہی اے ایس پی آصف رضا اور ایس ایچ او ماڈل ٹاﺅن گل محمد بھی موقع پر پہنچ گئے اور مشتعل مظاہرین سے مذاکرات کے بعد ذمہ داروں کے خلاف قانونی کاروائی کی یقین دہانی کروائی جسکے بعد مظاہرین پر امن طور پر منتشر ہو گئے۔