بھارتی جارحیت کے خلاف علماء اور دینی مدارس پاک فوج کے شانہ بشانہ ہیں۔قاری محمد طیب

بورے والا(چوہدری اصغر علی جاوید سے)صدر اسلامک ایجوکیشن بورڈ پاکستان ممتازعالم دین مولانا قاری محمد طیب حنفی نے کہا ہے کہ علماء کرام کی کاوشوں سے ہی پاکستان معرض وجود میں آیا،علماء نے اس پاک دھرتی کیلئے اپنا خون دیا ہے اب بھی بھارتی جارحیت کے خلاف علماء اور دینی مدارس پاک فوج کے شانہ بشانہ ہیں،ان خیالات کا اظہار انہوں نے معروف دینی وعصری درسگاہ جامعہ حنفیہ بورے والا میں بڑے اجتماع سے خطاب کرتے ہوئے کیا مولانا قاری محمد طیب حنفی نے کہا کہ بھارت نے ایک عرصہ سے مقبوضہ کشمیر میں جو ظلم وستم کا بازار گرم کیا ہوا ہے اس سے دنیا کی توجہ ہٹانے کیلئے جنگ کی باتیں کر رہا ہے اقوام متحدہ سمیت عالمی قوتوں کو بھارتی جارحیت کا نوٹس لینا چاہیے مادر وطن کا دفاع ہمارا ایمان ہے پوری پاکستانی قوم حکومت اور افواج پاکستان کے شانہ بشانہ کھڑی ہے بھارت کسی غلط فہمی میں نہ رہے انہوں نے کہا کہ وطن عزیز کو مٹانے کا خواب دیکھنے والے خود صفحہ ہستی سے مٹ جائیں گے اور انشاءاللہ پاکستان قیامت تک قائم رہے گا بھارت ہمارے وجود کا روز اول سے دشمن ہے اس سے اسکی زبان ہی میں بات کی جانی چاہیے پورے ملک کے دینی مدارس وفاق المدارس العربیہ کی قیادت میں اپنی مسلح افواج کے ساتھ کھڑے ہیں۔