میاں شہباز شریف کی ضمانت پر رہائی حق اور سچ کی فتح ہے۔عبدالستار بھٹی

بورے والا(چوہدری اصغر علی جاوید سے)سابق وزیر اعلیٰ پنجاب و صدر مسلم لیگ(ن) میاں محمد شہباز شریف کی ضمانت پر رہائی حق اور سچ کی فتح ہے اس تاریخی فیصلہ سے ثابت ہو گیا کہ سچائی کو ہمیشہ اونچا مقام حاصل ہے،ان خیالات کا اظہار ضلعی کوآرڈینٹر صاحبزادہ عبدالستار بھٹی نے پریس کلب بورے والا میں مٹھائی تقسیم کرتے ہوئے کیا انہوں نے کہا کہ جس طرح میاں شہباز شریف ضمانت پر رہا ہوئے ہیں انشاء اللہ سابق وزیر اعظم میاں محمد نواز شریف بھی جلد رہا ہو کر کارکنوں اور غریب عوام کے درمیان ہوں گے اور ملک پاکستان اور عوام کی خدمت میں اپنا اہم کردار ادا کریں گے انہوں نے کہا کہ مسلم لیگ نواز کا دور حکومت گواہ ہے کہ کس طرح ملک میں چھائے ہوئے اندھیروں کے خاتمہ کے لیے میاں برادران نے دن رات کام کر کے بجلی کا بحران ختم کیا اور پاکستان میں دوبارہ روشنیاں واپس آئیں اسی طرح دہشت گردی کے خاتمہ کے لیے فوج اور دیگر دفاعی اداروں کے ساتھ مل کر اس بہت بڑے چیلنج کا سامنا کیا اور ملک پاکستان سے دہشت گردی کو جڑ سے اکھاڑ دیا تاریخ اور پاکستانی عوام گواہ ہے کہ اس سے پہلے بجلی کی لوڈشیڈنگ اور دہشت گردی خود کش دھماکوں اور بم دھماکوں نے پاکستانی عوام کا سکون و چین چھین لیا تھا آج بھی پاکستان کے عوام میاں برادران اور مسلم لیگ(ن) کے سنہری دور حکومت کو دن رات یاد کرتے ہیں درد دل رکھنے والے پاکستانیوں کی دعاﺅں سے میاں محمد شہباز شریف رہا ہو چکے ہیں انشاء اللہ اب میاں محمد نواز شریف بھی جلد جیل سے باہر آئیں گے۔