پولیس کے روائتی کلچر کا خاتمہ اور عوام کے ساتھ باہمی رشتہ کو مضبوط بنانا اولین ترجیح ہے۔وسیم احمد خاں

بورے والا(چوہدری اصغر علی جاوید سے)ریجنل پولیس آفیسر ملتان وسیم احمد خاں نے کہا ہے کہ پولیس اور عوام کے اشتراک سے کمیونٹی پولیسنگ کو موثر بنایا جا سکتا ہے،پولیس کے روائتی کلچر کا خاتمہ اور عوام سے پولیس کے باہمی رشتہ کو مضبوط بنانا حکومت کی اولین ترجیح ہے،عوام اور پولیس کے مابین فاصلے کم کرنے کے لیے ہر تھانے میں کمیونٹی روم بنا دئیے گئے ہیں،جرائم پر قابو پانے اور کمیونٹی پولیسنگ کو موثر بنانے کے لیے سرکل افسران سول سوسائٹی کے نمائندوں سے ہفتہ وار میٹنگ کا آغاز کریں جس میں سول سوسائٹی کی قابل عمل تجاویز کی روشنی میں کمیونٹی پولیسنگ کے مطلوبہ نتائج برآمد کیے جا سکتے ہیں،شہر اور دیہات میں جرائم کی روک تھام کے لیے پولیس گاﺅں اور محلے کی سطح پر ٹھیکری پہرہ اور چوکیدارہ نظام کو مکمل فعال بنائے تاکہ عوام کی جان و مال کا تحفظ یقینی بنایا جا سکے ٹریفک کے بڑھتے ہوئے مسائل پر قابو پانے اور حادثات کی روک تھام کے لیے ٹریفک کے نظام میں جدید اصلاحات کا نفاذ ضروری ہے ٹریفک کے نظام میں بہتری کے لیے عوام سے والنٹیئرز کی مدد لی جائے گی اور ان والینٹیئرز کو ٹریفک کٹ بھی دی جائے گی جس کے لیے کوئی بھی شخص رضا کارانہ طور پر اپنی خدمات پیش کر سکتا ہے،ان خیالات کا اظہار انہوں نے وکٹوریہ مارکی ملتان روڈ میں منعقدہ کیمونٹی پولیسنگ کنونشن سے خطاب کرتے ہوئے کیا تقریب سے خطاب کرتے ہوئے ڈپٹی کمشنر وہاڑی عرفان علی کاٹھیا نے کہا کہ بورے والا کمیونٹی پالیسنگ کے لحاظ سے بہت متحرک ہے اور اس لئے عوام سے رابطہ نہایت ضروری تھی جس کے لئے ہم آپ کے پاس آئے ہیں تاکہ اداروں اور عوام کے درمیان فاصلہ کم ہوسکے.تقریب سے خطاب کرتے ہو ئے ڈسٹرکٹ پولیس آفیسر وہاڑی نجیب الرحمن بگوی نے کہا کہ آبادی کے تناسب سے پولیس کی نفری کم ہے اور اندھیرے میں چھوٹا سا دیا اجالا پیدا کر سکتا ہے اس لئے علاقہ کو امن کا گہوارہ بنانے کیلئے پولیس کے ساتھ ساتھ ہر شہری بھی اپنا اپنا کردار ادا کریں انہوں نے کہا کہ لاوڈ سپیکر،ہوائی فائرنگ اور دیگر سماجی برائیوں کی اطلاع پولیس کو دی جائے تاکہ اس کے انسداد کے لئے بروقت کاروائی کی جا سکے اس تقریب میں ڈی ایس پی ہیڈ کوارٹر میاں مظہر وٹو،ڈی ایس پی ٹریفک ملک رئیس احمد،اے ایس پی بورے والا آصف رضا،اے ڈی آئی جی ملتان سعدیہ سعید،اسسٹنٹ کمشنر حسنین خالد سنپال،معروف سماجی شخصیت شیخ شہزاد مبین،وائس پرنسپل گورنمنٹ کالج بورے والا پروفیسر راشد سدھو،صدر بار ملک فرقان یوسف،جنرل سیکرٹری چوہدری خرم ریاض،سابق صدر بار مہر طاہر امجد،پی ٹی آئی کے سابق امیدوار صوبائی اسمبلی سردار خالد نثار ڈوگر،تحصیل صدر پی ٹی آئی طارق محمود باجوہ،سٹی صدر ملک فاروق احمد اعوان،بلدیہ بورے والا کے اپوزیشن لیڈر غلام مصطفی بھٹی،چیئرمین یوسی راﺅ شفیق لیاقت،افتخار صابر چوہان،ضلعی صدر انجمن تاجران محمد جمیل بھٹی،کنونیئر سول سوسائٹی نیٹ ورک عبدالرﺅف چوہدری،صدر صرافہ ایسوسی ایشن شہزاد مصطفی اور دیگر نمائندہ شخصیات کی کثیر تعداد موجود تھی دریں اثناء آر پی او ملتان وسیم احمد خاں نے پولیس ڈرائیونگ ٹریننگ سکول کا بھی افتتاح کیا اس موقع پر انچارج ڈرائیونگ سکول چوہدری الطاف حسین گجر اور دیگر عملہ نے آر پی او کا استقبال کیا اور انہیں ٹریننگ سکول کے بارے میں بریفنگ دی۔