بھل صفائی مہم نے شہریوں کو دھول چٹا دی،بھل خشک ہو کر شہریوں کیلئے وبال جان بن گئی
بورے والا(چوہدری اصغر علی جاوید سے)بھل صفائی مہم نے شہریوں کو دھول چٹا دی،نہر سے نکالی گئی گندگی سے بھری بھل کو سڑک کے دونوں جانب پھینک کر ٹھیکیدار رفو چکر ہو گیا،محکمہ انہار نے بلدیہ بورے والا اور سول سوسائٹی کی شکایت پر بھی کوئی ایکشن نہ لیا،پلوں کے نیچے گندگی کے ڈھیر جوں کے توں،سڑکوں پر پڑی بھل خشک ہو کر شہریوں کے لیے وبال جان بن گئی،تفصیلات کے مطابق شہر کے وسط سے گزرنے والی 8 سے 10 کلومیٹر طویل نہر کی بھل صفائی محکمہ انہار کی چشم پوشی اور غفلت کے باعث شہریوں کیلئے عذاب بن کر رہ گئی بھل صفائی کرنے والے ٹھیکیدار نے نہر سے نکالی جانے والی بھل کو شہر سے باہر ٹھکانے لگانے کی بجائے ٹرالیوں میں لوڈ کرنے کے دوران شہباز شریف منی بائی پاس روڈ کے دونوں جانب بکھیر دیا جسے بعدازاں نہ اٹھائے جانے کی وجہ سے یہ بھل خشک ہو کر دھول کی صورت میں نہ صرف یہاں سے گزرنے والے شہریوں کو کھانا پڑ رہی ہے بلکہ نئی سڑک کے دونوں جانب لگی ٹف ٹائل کا نام و نشان تک مٹا دیا گیا جبکہ تمام پلوں کے نیچے پھنسی منوں گندی مٹی بھی نکالے بغیر ٹھیکیدار رفو چکر ہو گیا ہے اکثر مقامات سے بھل نکالنے والی کرین نے نہر کا پختہ بیڈ بھی توڑ دیا ہے جس سے نہر کا پانی زیر زمین جانے سے ملحقہ آبادیوں اور سڑک کو شدید نقصان پہنچنے کا خطرہ منڈلا رہا ہے محکمہ انہار کی اس چشم پوشی پر بلدیہ بورے والا حکام اور سول سوسائٹی نے محکمہ انہار اعلی حکام سے بھی شکایت کی لیکن مقامی افسران پر جوں تک نہیں رینگی مقامی سول سوسائٹی کے ارکان نے سیکرٹری آبپاشی سے فوری نوٹس لینے کا مطالبہ کیا ہے۔
About Author
