بیت المال کے زیر اہتمام 40سویٹ ہومز اب تک ملک بھر میں کام کر رہے ہیں۔عون عباس

بورے والا(چوہدری اصغر علی جاوید سے)مینیجنگ ڈائریکٹر پاکستان بیت المال عون عباس بپی نے کہا ہے کہ وزیر اعظم پاکستان عمران خان کی ہدایات کی روشنی میں مستحق افراد کے علاج معالجہ ڈس ایبل خواتین اور بچوں کی دیکھ بھال کیلئے پاکستان بیت المال خصوصی اقدامات کر رہا ہے اور اس سلسلہ میں پاکستان بیت المال کے زیر اہتمام 40سویٹ ہومز اب تک ملک بھرمیں کام کر رہے ہیں جبکہ جنوبی پنجاب کے مختلف علاقوں میں مزید 26نئے سویٹ ہومز میں بچوں کو تحفظ دیں گے جس میں انکو تمام بنیادی سہولتیں،رہائش اور طعام و قیام شامل ہیں،ان خیالات کا اظہار انہوں نے گذشتہ روز ملتان میں پاکستان تحریک انصاف سٹی بورے والا کے صدر ملک فاروق احمد اعوان ایڈوکیٹ کی قیادت میں ملاقات کرنے والے وفد سے گفتگو کرتے ہوئے کیا اس موقع ڈاکٹر عدیل احمد بھی موجو د تھے انہوں نے کہا کہ گذشتہ دنوں کے دوران جنوبی پنجاب سے 140سے زائد مستحق لوگوں کی درخواستیں برائے علاج معالجہ کے لیے موصول ہوئی ہیں جن میں 100درخواستیں کینسر کے مریضوں کی ہیں عون عباس بپی نے مزید کہا کہ پاکستان بیت المال ریجنل آفس 2میں تمام سٹاف ڈس ایبل خواتین رکھے گا اب تک جتنا بھی سٹاف رکھا ہے وہ ڈس ایبل خواتین پر مشتمل ہے جو کہ اپنے دفتری امور ڈیسک پر بیٹھ کر ہی سر انجام دیں گی۔