ہائی وے ٹھیکیداروں اور افسران کی مبینہ ملی بھگت سے کروڑوں روپے کی جعلی بنک گارنٹیاں بنوانے کا انکشاف

بورے والا(چوہدری اصغر علی جاوید سے)محکمہ ہائی وے میں بااثر ٹھیکیداروں کی جانب سے افسران کی مبینہ ملی بھگت سے کروڑوں روپے کی بنک گارنٹیاں بنوانے کا انکشاف،ایف آئی اے نے میگا کرپشن سکینڈل کی تحقیقات کا آغاز کر دیا،ٹھیکیداروں نے جعلی بنک گارنٹی کی سی ڈی آر جمع کروا کے محکمہ کو ماموں بنا دیا،جعلی بنک گارنٹی سکینڈل میں محکمہ کے افسران،ٹھیکیدار اور بنک ملازم بھی ایف آئی اے کے شکنجے میں آ گئے،تفصیلات کے مطابق بورے والا کے مقامی سماجی کارکن سید ابرار حسین شاہ کی جانب سے ڈائریکٹر جنرل ایف آئی کو دی گئی تحریری درخواست میں انکشاف کیا تھا کہ بورے والا کے بااثر سیاسی گھرانے سے تعلق رکھنے والے ٹھیکیدار محمد لطیف اور اسکی جتالہ کنٹرکشن کمپنی نے محکمہ ہائی وے کے جاری کردہ کروڑوں روپے کے نئی سٹرکوں کی تعمیر کے منصوبہ جات کے ٹھیکے حاصل کر کے محکمہ کو بطور بنک گارنٹی ایک کروڑ 55لاکھ سے زائد رقم کی جو سی ڈی آر جمع کروا کے ان منصوبوں کے ورک آرڈرز جاری کروائے تھے وہ مقامی بنک میں تعینات اپنے قریبی عزیز اور محکمہ ہائی وے کے ایکسیئن راﺅ دلشاد احمد سے مبینہ ملی بھکت کر کے جعلی اور بوگس تیار کروا کے محکمہ کے ریکارڈ میں جمع کر دی تھیں جو کہ محکمہ کے ساتھ وسیع پیمانے پر فراڈ تھا درخواست گزارنے بتایا کی ٹھیکیدار مذکورہ کی طرف سے مقامی نجی بنک سے بنوائی جانے والی ان گارنٹیوں کا کوئی ریکارڈ موجود نہیں جسکا محکمہ کے ایکسئین راﺅ دلشاد احمد کو بھی علم ہے اور اب محکمہ کے افسران اپنے خلاف کاروائی اور ٹھیکیدار کے اس میگا فراڈ سکینڈل کو چھپانے کے لیے ریکاڑد میں رد و بدل کی کوشش کر رہے ہیں اس درخواست کی روشنی میں ایف آئی نے محکمہ کے اہلکاروں کے بیانات کی روشنی میں ایف آئی نے محکمہ کے اہلکاروں کے بیانات قلمبند کرنے کے بعد بنک سے ریکارڈ طلب کر لیا ہے اس سلسلہ میں جب ایکسیئن ہائی وے راﺅ دلشاد احمد سے رابطہ کیا گیا تو انہوں نے بتایا کہ مذکورہ ٹھیکیدار کی جانب سے دی گئی بنک گارنٹیوں کی ایکسٹینشن کیلئے بنک کو لیٹر لکھا تھا لیکن بنک سے انکی ایکسٹینشن نہ ہونے پر ٹھیکیدار کے بلوں سے بنک گارنٹی کی رقوم کاٹی جا رہی ہے اسکے علاوہ محکمہ کی طرف سے ٹھیکیدار کی ڈی لسٹنگ اور بلیک لسٹ کرنے کے متعلق بھی لیٹر لکھ دیا گیا ہے ایف آئی اے نے بنک سے ریکارڈ طلب کیا ہے۔