ملتان روڈ پر مین سیوریج لائن زمین بوس ہونے سے صورتحال گھمبیر ہو گئی
بورے والا(چوہدری اصغر علی جاوید سے)ملتان روڈ پر مین سیوریج لائن زمین بوس ہونے سے مختلف آبادیوں میں نکاسی آب کا نظام بند،پانی کے بہاﺅ کو روکنے کے لیے واٹر سپلائی ٹیوب ویل بند کر دئیے گئے،سیوریج لائن کی مرمت کیلئے واسا ملتان سے ہیوی مشینری طلب کر لی گئی،نواحی آبادیوں میں شہری پینے کے پانی سے محروم،صورتحال کی سنگینی کو دیکھتے ہوئے میونسپل کمیٹی اور دیگر ادارے حرکت میں آ گئے،تفصیلات کے مطابق ملتان روڈ بورے والا کی متعدد آبادیوں کے لیے 35سال قبل بچھائی گئی مین سیوریج لائن دو روز قبل ملتان روڈ کے مقام سے ٹوٹ کر زمین بوس ہو گئی اور سیوریج کا پانی ڈسپوزل ورکس جانے کی بجائے زیر زمین جانے لگا جس سے کئی فٹ گہرا گڑھا بن گیا اور ملحقہ آبادی کے مکانوں کو بھی شدید خطرہ لاحق ہو گیا اس سنگین صورتحال کو دیکھتے ہوئے میونسپل کمیٹی کے عملہ نے سی او راﺅ محمد علی کی زیر نگرانی ممکنہ وسائل اور عملہ کی مدد سے اس مین لائن کے بہاﺅ کی مرمت کا جو کام شروع کیا تھا اسکی وجہ سے پانی کے بہاﺅ کو کم کرنے کے لیے متعدد آبادیوں کے واٹر سپلائی ٹیوب ویل دو روز سے بند کر دئیے گئے ہیں بلدیہ کی مشینری اور عملہ سے اس سیوریج لائن کو دو روز میں مرمت نہ کیے جانے پر ڈی سی وہاڑی عرفان علی کاٹھیا نے فوری طور پر محکمہ پبلک ہیلتھ اور میونسپل کمیٹی کے عملہ کو واسا ملتان سے اس کی مرمت کے لیے ہیوی مشینری اور انجینئرز کو بھی طلب کر لیا گیا ہے اور ڈی سی وہاری نے اس اہم عوامی مسئلہ کے فوری حل کے لیے موقع پر پہنچ کر کام کی رفتار کا جائزہ لیا تاہم انتظامیہ کے مطابق اس پرانی سیوریج لائن جو بوسیدہ ہوچکی ہے اسکے پانی کو ڈسپوزل ورکس کے ساتھ منسلک کرنے کے لیے متبادل بائی پاس لائن بچھانے کا عمل شروع کیا جا رہا ہے جس کے لیے مزید دو تین روز لگ سکتے ہیں۔
About Author
