ٹی ایچ کیو ہسپتال کی اپ گریڈیشن بلڈنگ اور ریویمپنگ کی تکمیل آخری مرحلے میں ہے۔عرفان علی کاٹھیا
بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ تحصیل ہیڈ کوارٹر ہسپتال میں مریضوں کو ہر ممکن طبی سہولتوں کی فراہمی یقینی بنائی جائے گی اپ گریڈیشن بلڈنگ کے سیکنڈ فلور کو مکمل کر کے ہسپتال انتظامیہ کے حوالے کر دیا گیا ہے جبکہ ریویمپنگ کا کام بھی آئندہ ہفتے تک مکمل کر کے ایمرجنسی وارڈ اور ملحقہ بلڈنگ کو بھی فکشنل کر دیا جائے گا،عملہ کی کمی کو دور کرنے کے لیے وقتی طورنرسنگ عملہ کے 14ملازمین کو ٹی ایچ کیو ہسپتال میں تعینات کر دیا ہے جبکہ نیا آپریشن تھیٹر مکمل ہو چکا ہے جس سے آپریشن کے حوالہ سے درپیش مشکلات کا ازالہ ہو گا،ادویات کی کمی کو دور کرنے کے لیے پنجاب حکومت کی طرف سے نئی ادویات خریدنے کا عمل بھی جلد شروع ہو جائے گا اور ہسپتال میں مریضوں کے لیے ادویات کی کمی دور ہو جائے گی،ان خیالات کا اظہار انہوں نے تحصیل ہیڈ کوارٹر ہسپتال بورے والا میں جاری اپ گریڈیشن منصوبے اور آئی ٹیب کے ریویمپنگ کے کام کی رفتار کا جائزہ لینے کے بعد میڈیا کے نمائندوں سے گفتگو کر تے ہوئے کیا اس موقع پر اسسٹنٹ کمشنر حسنین خالد سنپال،سی ای او ہیلتھ ڈاکٹر محمد ارشد ملک،ایم ایس ٹی ایچ کیو ڈاکٹر امجد شکیل،ڈپٹی ایم ایس ڈاکٹر عمران بھٹی اور سول سوسائٹی کے چیف پیٹرن شیخ شہزاد مبین بھی موجود تھے دریں اثنا ڈی سی وہاڑی نے ملتان روڈ پر مین سیوریج لائن کے ہنگامی بنیادوں پر مرمت اور اسکے لیے تمام تر سرکاری وسائل کو بروئے کار لانے کے لیے ہدایات جاری کیں اس موقع پر سی او میونسپل کمیٹی راﺅ محمد علی نے بتایا کہ بلدیہ کا عملہ دن رات کام میں مصروف ہے اور ہماری کوشش ہے کہ شہر کے اس مسئلہ کو ہنگامی بنیادوں پر حل کیا جائے ڈی سی وہاڑی عرفان علی کاٹھیا نے جنرل بس سٹینڈ پر زیر تعمیر نئی مسجد کے کام کو بھی ہنگامی بنیادوں پر شروع کرنے اور اسے جلد از جلد مکمل کرنے کے لیے مسجد انتظامیہ کے علاوہ محکمہ بلڈنگ کے انجینئر کو بھی ہدایت جاری کیں بعدازاں انہوں نے اسسٹنٹ کمشنر حسنین خالد سنپال کے دفتر میں سول سوسائٹی کے والینٹٹرز کی طرف سے شہر میں صفائی مہم ”پک اٹ“ کے متعلق بریفنگ لی اور اس مہم میں انتظامیہ کے بھرپور تعاون کا یقین دلایا انہوں نے کہا کہ شہر کو صاف ستھرا بنانے کے لیے سول سوسائٹی کے ارکان کا یہ اقدام قابل ستائش ہے اس موقع پر سی ایس ان کے کنونیئر عبدالرﺅف چوہدری،ڈپٹی کنونیئر چوہدری اصغر علی جاوید،سید سجاد حسنین بخاری،ندیم انجم سندھو،میاں طیب شریف،مس کوثر شریف،ڈاکٹر محمد عمران،عدیل مقصود،حافظ جنید احمد،ندیم مشتاق رامے،احتشام داﺅد،لطیف خلجی،عدیل مختار،سید اظہر گیلانی،مس مقصودہ نور،مسعود عابد رشید،نعیم الرشید اور دیگر سماجی کارکنان بھی موجود تھے۔
About Author
