پیپلز پارٹی اور (ن)لیگ اپنی کرپشن بچانے کیلئے ملک دشمن ایجنڈے پر متفق ہو چکے ہیں۔خالد نثار ڈوگر

بورے والا(چوہدری اصغر علی جاوید سے)پاکستان تحریک انصاف کے راہنما سابق امیدوار صوبائی اسمبلی بیرسٹر خالد نثار ڈوگر نے کہا ہے کہ نیب زدہ کرپٹ مافیا ایک کشتی میں سوار ہو چکا ہے،ملک کی جڑوں کو کھوکھلا کرنے کے بعد اب پی پی پی اور (ن)لیگ اپنی کرپشن بچانے کے لیے ملک دشمن ایجنڈے پر متفق ہو چکے ہیں،عمران خان نے ملک سے کرپشن کے خاتمے کا جو وعدہ کیا تھا اسے قوم کی امنگوں کے مطابق پورا کر رہے ہیں،ملکی چوروں اور لٹیروں کو اپنے کرتوت بے نقاب ہونے پر اب جیل کی سلاخیں نظر آ رہی ہیں،حکومت کے خلاف ان کرپٹ عناصر کی کوئی سازش کامیاب نہیں ہو گی اور اپنے نجام کو جلد پہنچ جائیں گے اب اس ملک پر صرف محب وطن پاکستانی ہی حکومت کر سکیں گے،ملکی اداروں کے متعلق زہر افشانی کرنے والے اب شکنجے میں آچکے ہیں،قوم کے سامنے انکے بدنما چہرے بے نقاب ہوتے جا رہے ہیں،عمران خان کی قیادت میں موجودہ حکومت تمام مشکلات کو عبور کر کے اس ملک کو ایک ناقابل تسخیر قوت بنائے گی،ہماری آئندہ آنے والی نسلوں کو ایک خوشحال اور مضبوط قوم بنانے کا جو خواب عمران خان نے دیکھا تھا اسکی تعبیر کا وقت آ گیا ہے،ان خیالات کا اظہار انہوں نے اپنے دفتر میں میڈیا کے نمائندوں سے گفتگو کرتے ہوئے کیا۔