معصوم شاہ روڈ اور کالونی میں غیر معیاری اور مضر صحت اشیاء مہنگے داموں فروخت ہونے لگیں

بورے والا(سرفراز علی رانا سے)معصوم شاہ روڈ اور کالونی میں غیر معیاری اور مضر صحت اشیاء مہنگے داموں فروخت ہونے لگیں،تفصیلات کے مطابق معصوم شاہ روڈ اور معصوم شاہ کالونی کے کریانہ مرچنٹ حضرات نے سستی،غیر معیاری اور مضر صحت اشیاء خردونوش اپنی مرضی کے ریٹس پر فروخت کرنا شروع کر دیں،حکومت کی جانب سے آئے روز لگائے جانے والے بے جاء ٹیکسز کی وجہ سے ہونے والی مہنگائی سے تنگ عوام کو دونوں ہاتھوں سے مزید لوٹا جانے لگا،روڈ اور آبادی میں واقع کریانہ سٹورز مالکان اپنی من مرضی کے ریٹس پر سستا اور غیر معیاری گھی،آئل،آٹا،چینی،مرچیں اور مضر صحت دودھ کے علاﺅ دیگر ضروریات زندگی کی اشیاء مہنگے داموں فروخت کر رہے ہیں جن کو کسی سرکاری محکمہ نے کبھی چیک نہیں کیا اہل علاقہ کا کہنا ہے کہ محکمہ فوڈ کی گاڑی مہینے میں ایک آدھ بار آتی ہے جو کہ اپنی مقررہ منتھلی وصول کر کے چلی جاتی ہے ان دکانداروں کے پاس نہ تو کوئی نرخنامہ موجود ہوتا ہے اور نہ ہی کوئی باقائدہ اجازت نامہ یہ دکاندار اچھا بیچیں یا برا مہنگائی کی چکی میں پسی ہوئی عوام ان کے رحم و کرم پر ہے سجاد حیدر لنگڑیال،لیاقت علی،محمدآصف،فلک شیر اور دیگر علاقہ مکینوں نے اسسٹنٹ کمشنر بورے والا حسنین خالد اور محکمہ پرائس کنٹرول پنجاب سے فل فور نوٹس لینے کا مطالبہ کیا ہے۔