موٹر سائیکل سوار میاں بیوی فرید ایکسپریس ٹرین کی زد میں آکر جاں بحق
بورے والا(چوہدری اصغر علی جاوید سے)موٹر سائیکل سوار میاں بیوی فرید ایکسپریس ٹرین کی زد میں آکر جاں بحق،دونوں کے جسم کے اعضاءدور دور تک بکھر گئے،موٹر سائیکل سواروں کو کچلنے والی ٹرین نہ رکنے پر عوام مشتعل ہو گئے،مشتعل مظاہرین نے لاہور سے کراچی جانے والی ٹرین روک لی،عملہ کو زدوکوب کرنے کی کوشش،ٹرین دو گھنٹے کی تاخیر کے بعد روانہ ہوئی،تفصیلات کے مطابق نواحی گاﺅں /319ای بی کا رہائشی 58سالہ ہدایت علی اپنی بیوی مجیداں بی بی کے ہمراہ اپنے موٹر سائیکل پر سوار ہو کر دم کروانے کے سلسلہ میں /451ای بی جا رہا تھا جونہی وہ پی آئی لنک کے قریب بغیر پھاٹک کے ریلوے کراسنگ عبور کرنے کرنے لگا تو کراچی سے آنے والی فرید ایکسپریس ٹرین کو نہ دیکھ سکا اور ٹرین تلے آ کر دونوں میاں بیوی بری طرح کچلے گئے جبکہ ٹرین کے ڈرائیور نے ٹرین نہ روکی تو مقامی لوگ مشتعل ہو گئے ریسکیو1222 کی ٹیم موقع پر پہنچ گئی اور حادثے میں جاں بحق بدقسمت میاں بیوی کے جسم کے بکھرے ہوئے اعضاءکو اکٹھا کر کے انہیں ٹی ایچ کیو ہسپتال بورے والا منتقل کر دیا اسی اثناءمیں لاہور سے کراچی جانے والی فرید ایکسپریس ٹرین وہاں پہنچی تو مشتعل افراد نے زبردستی ٹرین کو روک لیا اور ٹرین کے انجن پر چڑھ کر ڈرائیور کو زدوکوب کرنے کی کوشش کی ڈرائیور نے انجن کا درواز اندر سے بند کر لیا تاہم کراچی جانے والی ٹرین کے گارڈ نے لاہور جانے والی ٹرین کے گارڈ اور ڈرائیور پر شدید غصے کا اظہار کرتے ہوئے اپنے حکام کو موبائل کال پر کہا کہ جب تک لاہور جانے والی ٹرین کے گارڈ اور ڈرائیور کے خلاف غفلت برتنے کا مقدمہ درج نہ کیا وہ اس ٹرین کو بھی یہاں سے روانہ نہیں کریں گے تاہم دو گھنٹے بعد ریلوے حکام کی ہدایت پر ٹرین کراچی کیلئے روانہ ہو گئی۔
About Author
