عمران خان ایک سچا اور محب وطن لیڈر ہے اسکی قیادت میں کرپشن کا خاتمہ یقینی ہو گا۔نذیر جٹ

بورے والا(چوہدری اصغر علی جاوید سے)پی ٹی آئی کے راہنما سابق ایم این اے چوہدری نذیر احمد جٹ نے کہا ہے کہ عمران خان ایک سچا،ایماندار اور محب وطن لیڈر ہے اور اسکی قیادت میں ملک سے کرپشن کا خاتمہ یقینی ہو گا،احتساب کے عمل سے اب کوئی نہیں بچ پائے گا،نواز،شہباز اور زرداری خاندان سمیت ملک لوٹنے والے سب جیلوں میں جائیں گے احتساب کے شکنجے میں آنے والے جتنی مرضی چیخیں ماریں اب انکے بچنے کی کوئی راہ نہیں ملک کو کھر بوں ڈالر کے قرضوں تلے دبانے والے پوری قوم کے مجرم ہیں کچھ لوگ اپنی کرپشن چھپانے کے لیے پی ٹی آئی میں شامل ہو رہے ہیں لیکن عمران خان کے ہوتے ہوئے انکی کرپشن کو کوئی تحفظ نہیں ملے گا،ملک کی بیوروکریسی حکومت کے راستے میں روڑے اٹکانے کی کوشش کر رہی ہے،ملک کے اہم اداروں میں وہی کرپٹ مافیا براجمان ہے جب تک اس کرپٹ مافیا سے چھٹکارا حاصل نہیں کیا جاتا یہ لوگ کرپشن کے خلاف حکومتی پالیسی کے راستے میں رکاوٹ بنے رہیں گے لیکن یہ بات اب روز روشن کی طرح عیاں ہے کہ ملکی دولت لوٹنے والے اب کسی صورت نہیں بچ سکیں گے انکا تعلق خواہ اپوزیشن سے ہو یا حکومتی پارٹی سے ہو،ان خیالات کا اظہار انہوں نے پریس کلب بورے والا میں میڈیا کے نمائندوں سے گفتگو کرتے ہوئے کیا انہوں نے کہا کہ میں نے سیاست کو ہمیشہ عبادت کا درجہ دیا ہے لیکن کچھ لوگ اپنے ناجائز کاروبار کو تحفظ دینے کے لیے پی ٹی آئی میں شامل ہو چکے ہیں جن کا عوام خود احتساب کریں گے قوم کو ان مشکل حالات میں عمران خان کا ساتھ دینا ہو گا تا کہ ہماری آئندہ آنے والی نسلیں کرپشن سے پاک ایک نئے پاکستان میں سانس لے سکیں۔