کونسلر بلدیہ شہباز حسین کی بلاجواز گرفتاری کسی صورت بھی قابل برداشت نہیں۔عاشق آرائیں
بورے والا(چوہدری اصغر علی جاوید سے)پی ٹی آئی کے کونسلر شہباز بھٹی کی بلاجواز گرفتاری اور حبسی بے جا میں رکھنے کے خلاف بلدیہ کے اجلاس میں قرار داد مذمت منظور،ایس ایچ او تھانہ ماڈل ٹاﺅن کو فی الفور تبدیل کر کے اُسکے خلاف کاروائی کا مطالبہ،ایس ایچ او تھانہ ماڈل ٹاﺅن نے پولیس گردی کر کے ایوان کا استحقاق پامال کیا،بلدیہ کا وفد آج ڈی پی او وہاڑی سے ملاقات کرے گا،بلدیہ کے ایوان میں فیصلہ،میونسپل کمیٹی بورے والا کا ہنگامی اجلاس زیر صدارت حاجی افتخار احمد بھٹی منعقد ہوا جس میں اپوزیشن لیڈر پی ٹی آئی کے راہنما غلام مصطفےٰ بھٹی کی طرف سے ایوان میں پیش کی گئی قرار داد میں موقف اختیار کیا گیا کہ ایس ایچ او تھانہ ماڈل ٹاﺅن انصر چوہدری نے گذشتہ روز پی ٹی آئی کے کونسلر شہباز حسین باجا بھٹی کو بغیر کسی مقدمہ اور وجہ بتائے بغیر اُنکے گھر سے گرفتار کرنے کے بعد 6گھنٹے تک تھانے کے اندر حبس بے جا میں رکھا اور کونسلروں سے انتہائی ہتک آمیز رویہ اپنایا جس سے ظاہر ہوتا ہے کہ ایس ایچ او نے جنگل کا قانون بنا رکھا ہے عوام کے منتخب نمائندوں کو اس طرح پولیس گردی کے ذریعہ ہراساں کرنے والے ایس ایچ او کو فی الفور تبدیل کر کے اُسکے خلاف اختیارات کا ناجائز استعمال کرنے پر مقدمہ درج کیا جائے اپوزیشن رکن مہر طاہر امجد،چوہدری شکیل حشمت،جاوید اقبال قادری اور ملک فاروق احمد اعوان نے شہباز حسین بھٹی کی بلاجواز گرفتاری کو بدترین ریاستی غنڈہ گردی اور پولیس گردی کی بدترین مثال قرار دیا حکومتی ارکان سردار ظہور احمد ڈوگر اور میاں خالد حسین سمیت دیگر کونسلروں نے بھی اس واقعہ کی شدید الفاظ میں مذمت کرتے ہوئے ایس ایچ او کے خلاف کاروائی کا مطالبہ کیا چیئرمین بلدیہ چوہدری محمد عاشق آرائیں نے کہا کہ میونسپل کمیٹی کے رکن شہباز حسین کی بلاجواز گرفتاری کسی صورت بھی قابل برداشت نہیں ایوان کے منتخب ارکان جو ہمہ وقت عوام کی مشکلات کے ازالہ کیلئے کام کرتے ہیں اُنکے ساتھ پولیس کا یہ رویہ انتہائی شرمناک ہے جس سے پورے ہاﺅس کا تقدس پامال ہوا ہے اس زیادتی کے ازالہ کیلئے ہر آئینی و قانونی راستہ اختیار کیا جائے گا جس کیلئے ایوان کی ایک کمیٹی ڈی پی او وہاڑی سے ملاقات کر کے تمام حقائق سے آگاہ کرے گی اور ایس ایچ او کے خلاف محکمانہ کاروائی کا مطالبہ کیا جائے گا اس مسئلے کو پورا ایوان تمام تر سیاسی وابستگیوں سے بالاتر ہو کر شہباز حسین بھٹی کے ساتھ ہونیوالی پولیس گردی کے خلاف ہر قانونی اور آئینی رستہ اختیار کرے گا۔
About Author
