پی ایم اے نے ڈاکٹرز سے ہونے والی زیادتیوں کے خلاف منگل سے کلینکس بند کرنے کا اعلان کر دیا
بورے والا(چوہدری اصغر علی جاوید سے)پاکستان میڈیکل ایسوسی ایشن نے ڈاکٹرز سے ہونے والی زیادتیوں اور مبینہ غنڈہ گردی کے خلاف انصاف نہ ملنے پر 48گھنٹے بعد تمام کلینکس بند کرنے کا اعلان کر دیا،پولیس ڈاکٹرز کی بجائے ملزمان کو تحفظ دے رہی ہے،یہ بات پاکستان میڈیکل ایسوسی ایشن بورے والا کے صدر ڈاکٹر محمد اعظم میاں،جنرل سیکرٹری ڈاکٹر خالد مقصود اور دیگر عہدیداران نے ہنگامی پریس کانفرنس کے دوران بتایا کہ گذشتہ دنوں ڈاکٹر رفیق شاہد اور لیڈی ڈاکٹر عظمیٰ مقصود کے پرائیویٹ ہسپتالوں میں ڈاکٹرز اور عملہ سے کی جانے والی غنڈہ گردی توڑ پھوڑ اور تشدد کرنے والے ملزمان کو گرفتار کرنے میں پولیس تاخیری حربے استعمال کر رہی ہے جبکہ ایک واقعہ کا تاحال مقدمہ ہی درج نہیں کیا گیا جسکی وجہ سے ڈاکٹر عدم تحفظ کا شکار ہو چکے ہیں اور انصاف کی بروقت فراہمی نہ ہونے پر ڈاکٹرز احتجاج کا راستہ اختیار کرنے پر مجبور ہو گئے ہیں کسی بھی مقدس پیشہ کی آڑ میں شریف شہریوں کو ہراساں کرنے اور بلیک میل کرنے کی ہرگز اجازت نہیں دے سکتے اگر انتظامیہ نے ڈاکٹر رفیق شاہد سے ہونے والی زیادتی کے مرتکب افراد کے خلاف مقدمہ درج نہ کیا 48گھنٹوں پر بورے والا کے تمام کلینک مکمل طور پر بند کرنے کے علاوہ سرکاری ہسپتالوں کی او پی ڈی بھی بند کر دی جائے گی اور اسکے باوجود بھی انصاف نہ ملا تو ضلع بھر کے کلینک بند کرنے کی کال دیدی جائے گی انہوں نے کہا کہ ڈاکٹر عظمیٰ مقصود کے کلینک پر توڑ پھوڑ کرنے والے ملزمان کے خلاف مقدمہ درج کرنے کے بعد پولیس نے ڈاکٹر اور عملہ کے خلاف ملزمان کی درخواست پر کراس ورشن درج کر کے زیادتی کی گئی جسے فی الفورخارج کیا جائے ہم پرامن لوگ ہیں اور شہر کا امن خراب نہیں کرنا چاہتے ڈی پی او وہاڑی ڈاکٹرز سے ہونے والی ان زیادتیوں کا فی الفور ازالہ کرنے کے علاوہ ڈاکٹرز کی کردار کشی کرنے والے عناصر کے خلاف فوری کاروائی کرے اس موقع پر ڈاکٹر رفیق شاہد،ڈاکٹر سہیل عزیز،ڈاکٹر محمد اشرف چوہدری،ڈاکٹر ظفر اقبال مرزا،ڈاکٹر اظہر امین،ڈاکٹر فاروق شیخ اور دیگر بھی موجود تھے۔
About Author
