افسران عوام کی خدمت کو اپنا شعار بنائیں اور ذمہ داری سے اپنے فرائض ادا کریں۔عرفان علی کاٹھیا

بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ مو جو دہ حکو مت کا مقصد عوام کے مسائل ترجیح بنیادوں پر حل کر نا اور بہترین سہولیات فراہم کر نا ہے جس کیلئے تمام محکموں کی کار کردگی کو بہتر بنایاجا رہا ہے،تمام افسران عوام کی خدمت کو اپنا شعار بنائیں اور اچھے طریقے سے اپنے فرائض ادا کریں،ان خیا لات کا اظہار انہوں نے اسسٹنٹ کمشنر آفس بو رے والا میں مختلف محکموں کے افسران کے اجلاس کے دوران گفتگو کر تے ہوئے کیا اس موقع پر اسسٹنٹ کمشنر بورے و الا نو ید عالم،سی ای او ہیلتھ ڈاکٹر ارشد ملک،ڈپٹی ڈائریکٹر کالجز،ڈی ڈی ایچ او بورے و الا ڈاکٹر محمد اکرم،ایم ایس ٹی ایچ کیو ہسپتال بورے و الا ڈاکٹر امجد شکیل،ایس ڈی او بلڈنگ محمد مو سیٰ بھی موجود تھے ڈپٹی کمشنر عرفان علی کاٹھیا نے مز ید کہا کہ تحصیل ہیڈ کوآرٹر ہسپتال بو ریو الا کی زیر تعمیر اپ گریڈیشن بلڈنگ کے سیکنڈ فلور کو 15 نومبر تک مکمل کرنے کی انہوں نے کہا کہ جتنی جلد ی بلڈنگ مکمل ہو گی عوام کو اتنی ہی بہتر طبی سہو لیات میسر آئیں گی۔بعدازاں ڈپٹی کمشنر عرفان علی کاٹھیا نے سول سوسائٹی نیٹ ورک کے پیٹرن شیخ شہزاد مبین،سماجی شخصیت رانا طاہر کریم،ضلعی صدر انجمن تاجران محمد جمیل بھٹی اور سرکاری افسران کے ہمراہ جنر ل بس سٹینڈ چوک بورے والاکا بھی معائنہ کیااور وہاں پر جاری چوک کی کشادگی کے لئے نقشے میں رکھے گئے گول چکر کو 60 فٹ سے کم کر کے 40فٹ کرنے کی بھی یقین دہانی کروائی جبکہ جامع مسجد کی ہنگامی بنیادوں پر تکمیل کی بھی ہدایت کی انہوں نے اس مو قع پر متعلقہ افسران کو ہدایت کی کہ چوک پر مو جو د ملبہ وغیرہ کو فوری طور پر اٹھا یا جائے کشادگی کے کام کو تیز رفتاری سے کیا جائے متعلقہ محکموں کے افسران مو قع پر اپنی موجودگی میں کا م کروائیں جس سے کام میں تیزی آئے گی اور عوام کو جلد ریلیف ملے گا انہوں نے مز ید کہاکہ چوک میں ایک خوبصورت یاد گار بھی بنا ئی جائے گی جس سے شہر کی خو بصورتی میں اضافہ ہوگا او ر وہ دیدہ زیب لگے گی بعدازاں ڈپٹی کمشنر عرفان علی کاٹھیا نے گورنمنٹ کالج برائے خواتین بورے و الا کا بھی وزٹ کیااور مین گیٹ کی متبادل جگہ پر تبدیلی اور گرلز کالج کو چھٹی کے وقت ٹریفک جام ہونے کے مسئلے کے فوری حل کی بھی ہدایات جاری کیں۔