اسسٹنٹ کمشنر کی قیادت میں سرکاری زمینوں کو واگزار کروانے کیلئے آپریشن جاری

بورے والا(چوہدری اصغر علی جاوید سے)حکومت پنجاب کی ہدایت پر اسسٹنٹ کمشنر کی قیادت میں مختلف محکموں کے اہلکاروں نے سرکاری زمینوں کو واگزار کروانے کیلئے آپریشن شروع کر دیا گیا،گزشتہ روز شہر کے مختلف علاقوں میں کاروائی شروع کر دی گئی جبکہ بس سٹینڈ سے لیکر مدرسہ احیاء العلوم تک سڑک کے دونوں جانب تجاوزات مافیا کا قبضہ اور تجاوزات کر کے سڑک کو بالکل تنگ کر د یا ہے جس سے آئے روز حادثات ہوتے رہتے ہیں یہی صورتحال لاہور روڈ کی ہے بس اڈہ سے گول چوک تک سڑک کی دونوں جانب دوکانداروں نے فٹ پاتھوں پر اور خصوصاً رات کے وقت فوڈ سٹریٹ والے اپنی دوکانداری سڑک پر لگا کر ٹریفک کی روانی کو بری طرح متاثر کرتے ہیں سب سے زیادہ خراب صورتحال گول چوک سے ریشم گلی تا امام بارگاہ روڈ تک دوکانوں کے آگے دوکاندار وں نے دوکانیں لگوا رکھی ہیں اور رہی سہی کسر درمیان میں موٹرسائیکلوں کو کھڑی کرکے نکال دیتے ہیں جس سے پید گزرنا بھی انتہائی مشکل ہو جاتا ہے اور اس بازار میں مبینہ طور پر خریداری کے لیے آنے والی خواتین سے چھیڑ خانی کی شکایات ہیں اگر خدانخواستہ اس بازار میں رہائشیوں کو کوئی ایمرجنسی پیش آجائے تو وہاں پر ریسکیو والوں کا پہنچنا انتہائی مشکل ہے اس بازار سے قبضہ ختم کروانا بہت ناگزیر ہے اسی طرح شہر کے دوسرے علاقوں جن میں ریل بازار،جوئیہ روڈ،مچھلی بازار،وہاڑی بازار،عقب غلہ منڈی روڈ،ملتان روڈکے علاوہ دیگر روڈز پر بھی ہنگامی بنیادوں پر آپریشن کی ضرورت ہے۔