رواں مالی سال کے دوران 9ارب روپے کے قرضہ جات کاشتکاروں کو مہیا کئے گئے ہیں۔چوہدری منیر عابد
بورے والا(چوہدری اصغر علی جاوید سے)زرعی ترقیاتی بنک حکومت کے ویژن کے مطابق ملک میں زراعت کی ترقی اور کسانوں کی خوشحالی کے ایک مربوط پروگرام پر عمل پیرا ہے،زرعی ترقیاتی بنک کاشتکاروں کو آسان اقساط پر ٹریکٹرز،ٹیوب ویل اور کھاد بیج کے علاوہ زرعی آلات کی خریداری کے لیے قرضے فراہم کرنے کے علاوہ جدید بنکاری کی تمام سہولیات مہیا کر رہا ہے،وہاڑی زون جس میں وہاڑی اور خانیوال کے اضلاع شامل ہیں،رواں مالی سال کے دوران 9ارب روپے کے قرضہ جات کاشتکاروں کو مہیا کئے گئے ہیں،ان خیالات کا اظہار زونل چیف زرعی ترقیاتی بنک وہاڑی زون چوہدری منیر عابد نے غیر رسمی گفتگو کرتے ہوئے کیا انہوں نے بتایا کہ جاری ہونے والے زرعی قرضہ جات کی ریکوری کے سلسلہ میں بھی عملہ تمام وسائل بروئے کار لا رہا ہے اور اب تک 90فیصد ریکوری کا ٹارگٹ پورا کر لیا گیا ہے تا ہم قرضہ حاصل کرنے والے ڈیفالٹرز کے خلاف بینک کے قوانین کے تحت فصل قرقی کا پراسس بھی جاری ہے چوہدری منیر عابد نے بتایا کہ زرعی ترقیاتی بنک کسانوں کی خوشحالی اور عام صارفین کی سہولت کے لیے کمرشل بنکوں کی طرز پر ڈیپازٹ سکیمیں بھی چلا رہا ہے زرعی بنکوں میں ویسٹرن یونین اور اے ٹی ایم کی سہولت بھی مہیا کی جا چکی ہے علاوہ ازیں لاکرز اور آن لائن بنکنگ بھی کامیابی سے جاری ہے مزید کاشتکاروں کو قرضہ جات کی منظوری کے بعد کریڈٹ کارڈ بھی دیے جا رہے ہیں انہوں نے ایک سوال کے جواب میں بتایا کہ وہاڑی زون میں زرعی بنک کی 18برانچز کام کر رہی ہیں جبکہ جلہ جیم میلسی میں دیہات کی سطح پر بھی نئی برانچ کا 28ستمبر کو افتتاح کیا جارہا ہے جبکہ ضلع خانیوال میں کچا کھوہ جہانیاں،ٹھٹہ،صادق آباد میں بھی اگلے مالی سال کے دوران زرعی ترقیاتی بنک کی نئی برانچیں فنکشنل ہو جائیں گی۔
About Author
