امن کے قیام میں تمام مکاتب فکر کو اپنا مثبت کردار ادا کرنا ہو گا۔عاشق آرائیں،حافظ خضر زمان

بورے والا(چوہدری اصغر علی جاوید سے)چیئرمین بلدیہ بورے والا چوہدری محمد عاشق آرائیں نے کہا ہے کہ محرم الحرام میں امن و امان کے قیام اور بلدیہ کی جانب سے انتظامات مثالی ہونگے،امن کے قیام میں تمام مکاتب فکر کو اپنا مثبت کردار ادا کرنا ہو گا،بورے والا ہمیشہ امن کا گہواہ رہا ہے اس سال بھی سابقہ روایات کو سامنے رکھ کر موثر اور ٹھوس اقدامات کیے جائیں گے ہم سب نے ملکر امن دشمنوں کے ناپاک عزام کو ناکام بنانا ہے جس کے لیے اخوت اور بھائی چارے کی فضاء کو پہلے سے بھی زیادہ بہتر بنانا ہو گا امن کمیٹی اور شہریوں کا کردار گذشتہ سالوں میں بھی مثالی رہا ہے آئندہ بھی ہمیں اتحاد،یگانگت،یکجہتی،اخوت اور بھائی چارے کو فروغ دینا ہے،ان خیالات کا اظہار انہوں نے محرم الحرام کی آمد کے حوالہ سے کیے جانیوالے انتظامات کو حتمی شکل دینے کیلئے اہل تشیع سمیت تمام مکاتب فکر اور امن کمیٹی کے ارکان کے اجلاس سے خطاب کرتے ہوئے کیا اجلاس سے خطاب کرتے ہوئے ڈی ایس پی حافظ خضر زمان نے کہا کہ پولیس اور تحصیل انتظامیہ محرم الحرام میں سیکورٹی کے فول پروف انتظامات یقینی بنائے گی مرکزی جلوس،علم و تعزیہ کے چھوٹے بڑے جلوسوں اور مجالس پر پولیس اور رضا کاروں پر مشتمل اہلکاروں کی ڈیوٹیاں لگاتے وقت متعلقہ انتظامیہ کی تجاویز کو سامنے رکھا جائے گا مرکزی جلوس کے راستوں میں سی سی ٹی وی کیمروں اور واک تھرو گیٹس کی مدد سے داخلی و خارجی راستوں کی مکمل مانیٹرنگ کی جائے گی اجلاس سے ضلعی صدر انجمن تاجران محمد جمیل بھٹی،انجمن حیدریہ کے راہنما ایڈمنسٹریٹر مرکزی امام بارگاہ حسینیہ سید اسد حسین شاہ،سید نسیم نقوی اور دیگر شخصیات نے بھی خطاب کیا اجلاس میں ایس ڈی او واپڈا سٹی سب ڈویڑن منیر احمد رازی،چیف آفیسر بلدیہ ملک اشفاق احمد،بزرگ لیگی راہنما و ممبران امن کمیٹی چاچا ملک محمد اسلم ،شہباز حسین بھٹی ایڈووکیٹ،چوہدری محمد صغیر رامے،ضلعی صدر مسلم لیگ(ن) یوتھ ونگ منظور برکت ماڑی والا،مولانا محمد زبیر گورداسپوری،قاری شاہد رضا،صدر غلہ منڈی حاجی ظہور ماجد،ممبر ضلعی امن کمیٹی ہربنس جیکب مسیح،ایس ایچ او سٹی ناصر کمال اور مختلف سرکاری محکموں کے افسران بھی موجود تھے۔