درینہ رنجش پر تین افراد کا صداقت خاں پر قاتلانہ حملہ،واقعہ کے خلاف انجمن طلباء اسلام کا احتجاج
بورے والا(چوہدری اصغر علی جاوید سے)درینہ رنجش پر تین افراد کا طلباء تنظیم کے ڈویژنل راہنماء صداقت خاں پر قاتلانہ حملہ،صداقت خاں ملزمان کی فائرنگ سے شدید زخمی،واقعہ کے خلاف انجمن طلباء اسلام کا احتجاج،ملزمان کی جلد گرفتاری کا مطالبہ،تفصیلات کے مطابق انجمن طلباء اسلام ملتان ڈویژن کے سابق چیئرمین یونیورسٹی و کالجز صداقت خاں گذشتہ شب اپنے دیگر ساتھیوں کے ہمراہ لاہور روڈ پر واقع ملک رینٹ اے کار پر موجود تھے کہ اچانک تین مسلح افراد جو کہ کار پر سوار تھے وہاں آ گئے اور آتے ہی صداقت خاں کو للکارا کہ تمہیں دشمنی کا مزہ چکھاتے ہیں یہ کہہ کہ انہوں نے اندھا دھند فائرنگ کر دی جس سے صداقت خاں فائر لگنے سے شدید زخمی ہو گئے جبکہ ملزمان فائرنگ کرتے ہوئے فرار ہو گئے صداقت خاں کو شدید زخمی حالت میں ٹی ایچ کیو ہسپتال بورے والا لایا گیا جہاں اتبدائی طبی امداد کے بعد نشتر ہسپتال ملتان ریفر کر دیا گیا ہسپتال سے جاری کردہ اپنے بیان میں صداقت خاں نے کہا کہ اُن کی سپنا بھانڈ سے درینہ رنجش چل رہی تھی جس پر اُس نے اپنے دیگر ساتھیوں نیاز جوئیہ اور شانی ڈوگر سکنہ 104ای بی کے ہمراہ آکر قتل کرنے کی نیت سے فائرنگ کی ہے انہوں نے بتایا کہ ملزمان انتہائی خطرناک ہیں اور وہ کسی مقامی سیاسی شخصیت کو بھی قتل کرنا چاہتے ہیں اگر پولیس نے انہیں گرفتار کر کے قرار واقعی سزا نہ دی تو وہ شہر کا امن تباہ کر دینگے واقعہ کی اطلاع ملتے ہیں ڈی ایس پی حافظ خضر زمان بھی موقع پر پہنچ گئے اور ملزمان کی گرفتاری کیلئے مختلف ٹیمیں روزانہ کر دیں لیکن کوئی بھی ملزم گرفتار نہیں ہوا اس واقعہ پر انجمن طلباء اسلام کے مقامی و ضلعی راہنماﺅں نے شدید رد عمل کا اظہار کرتے ہوئے کہا ہے کہ صداقت خان پر حملہ شہر کے امن پر حملہ ہے ایسے جرائم پیشہ افراد شہر کا امن تباہ کرنے کے درپے ہیں لیکن مقامی پولیس ان جرائم پیشہ افراد اور انکی پشت پناہی کرنے والوں کو فی الفور گرفتار کرے ورنہ حالات کی ذمہ داری پولیس انتظامیہ پر عائد ہوگی اے ٹی آئی پرامن طلبا تنظیم ہے اور اور انکا مشن امن کا قیام ہے انہوں نے آئی جی پنجاب اور دیگر اعلیٰ حکام سے فوری نوٹس لینے کا مطالبہ کیا ہے۔
About Author
