چھ ماہ قبل اغوا اور زیادتی کے بعد کمسن طالبعلم کو قتل کرنے والا ملزم پولیس کی ناقص تفتیش کے باعث بری
بورے والا(چوہدری اصغر علی جاوید سے)چھ ماہ قبل اغوا اور زیادتی کے بعد کمسن طالبعلم کو قتل کر کے نعش کنویں میں پھینکنے والا ملزم پولیس کی ناقص تفتیش کے باعث بری،بیٹے کے غم میں نڈھال والدہ اپنے لخت جگر کا خون کس کے ہاتھ پر تلاش کرے،ملزم نے واردات کے بعد میڈیا اور پولیس کے سامنے نعش برآمد کروا کے اعتراف جرم بھی کر لیا تھا،دیار غیر میں موجود باپ اور غمزدہ ماں کی چیف جسٹس آف پاکستان،وزیر اعظم اور وزیر اعلیٰ پنجاب سے انصاف کی اپیل،تفصیلات کے مطابق دبئی میں مقیم منظور احمد نامی شخص کی بیوی مسماة یاسمین طاہرہ اور بھائی عبدالغفور نے میڈیا کے نمائندوں سے گفتگو کرتے ہوئے بتایا کہ منظور احمد کا 12سالہ بیٹا علی منظور یکم فروری کو گھر سے ٹیوشن پڑھنے گیا اور واپس نہ آیا تو اسکی تلاش شروع کر دی گلی میں لگے سی سی ٹی وی کیمرہ کی مدد سے معلوم ہوا کہ اسے اسی محلے میں رہائش پذیر علی جان ولد عبدالحمید کاٹھیا اپنی موٹر سائیکل پر بٹھا کر لے گیا ہے جسے پولیس نے گرفتار کر کے پوچھ گچھ کی تو اس نے بتایا کہ وہ علی منطور کو517ای بی کے ایک ویران کنویں کے پاس لے کر گیا اور زیادتی کی کوشش میں مذاحمت پر اُسے گلا دبا کر قتل کرنے کے بعد نعش بوری میں ڈال کر کنویں میں پھینک دی ہے ملزم نے پولیس اور میڈیا کی موجودگی میں مقتول علی منظور کی نعش برآمد کروا دی اور اعتراف جرم بھی کر لیا تھا ملزم کے خلاف قتل اور انسداد دہشت گردی سمیت دیگر سنگین وفعات کے تحت مقدمہ تھانہ سٹی میں درج ہوا لیکن پولیس کے تفتیشی افسران نے مقدمے کا چالان مرتب کرتے وقت ملزم کی ناقص اور غیر معیاری تفتیش کی اور مبینہ سازباز کر کے ملزم کو فائدہ پہنچایا جس کی سماعت انسداد دہشت گردی کی خصوصی عدالت ملتان میں ہوئی عدالت نے پولیس کے مرتب کردہ ناقص چالان کی روشنی میں ملزم کو شک کا فائدہ پہنچاتے ہوئے باعزت بری کر دیا مقتول کی والدہ یاسمین طاہرہ نے چیف جسٹس آفس پاکستان،وزیر اعظم پاکستان اور وزیر اعلیٰ پنجاب سے مطالبہ کیا ہے کہ اسکے بیٹے کو سفاکانہ طریقہ سے قتل کر کے اعتراف جرم کرنے والے ملزم علی جان جس کا تعلق ایک بااثر گھرانے سے ہے اُسے بچانے کیلئے پولیس نے جس انداز سے دوران تفتیش اُسے فائدہ پہنچا کر بری کروانے میں مدد کی ہے یہ ظلم اور ناانصافی کی بدترین مثال ہے میرے بیٹے کو دن دیہاڑے قتل کیا گیا اور پورا شہر اس کی گواہی دیتا ہے میرے بیٹے کے قاتل کو انصاف کے تقاضے پورے نہ کر کے ہمیں انصاف سے محروم کیا گیا ہے ہمارا مطالبہ ہے کہ اس مقدمہ کی کسی ایماندار افسران پر مشتمل جوائنٹ انویسٹی گیشن ٹیم سے ازسر نو تفتیش کروا کے ہمیں انصاف اور بیٹے کے قاتل کو کڑی سے کڑی سزا دی جائے۔
About Author
