اقلیتوں کے بغیر ملکی ترقی اور خوشحالی کا خواب کبھی پورا نہیں ہو سکتا۔خالد محمود ڈوگر

بورے والا(چوہدری اصغر علی جاوید سے)مسلم لیگ(ن) کے ممبر پنجاب اسمبلی سردار خالد محمود ڈوگر نے کہا ہے کہ مسلم لیگ(ن) نے ملک میں اقلیتوں کے حقوق پر کبھی سمجھوتا نہیں کیا اور اقلیتوں نے موجودہ الیکشن میں (ن)لیگ پر جس اعتماد کا اظہار کیا ہے وہ انکی میاں نواز شریف سے محبت کا ثبوت ہے (ن)لیگ نے پہلے بھی اقلیتوں کے حقوق کے لیے ہر ممکن اقدامات کیے ہیں اور آئندہ بھی انہیں عدم تحفظ اور احساس محرومی کا شکار نہیں ہونے دیں گے،اقلیتوں کے بغیر ملکی ترقی اور خوشحالی کا خواب کبھی پورا نہیں ہو سکتا،مسلم لیگ(ن) کے قائد میاں نواز شریف اور میاں شہباز شریف نے ملک کو ترقی کی جس راہ پر گامزن کیا ہے اُس میں تمام محب وطن پاکستانیوں کا کردار بہت زیادہ اہمیت کا حامل ہے اور (ن)لیگ اس ترقی کے سفر کو رکنے نہیں دے گی،ان خیالات کا اظہار انہوں نے ممبر ضلع کونسل نذیر مسیح رندھاوا کی قیادت میں پیٹر کالونی(علی ٹاﺅن) میں مسیحی برادری کی جانب سے نومنتخب ایم پی اے کے اعزاز میں منعقدہ استقبالیہ تقریب سے خطاب کر تے ہوئے کیا تقریب سے نو منتخب ایم این اے چوہدری فقیر احمد آرائیں کے صاحبزادے محمد اسامہ چوہدری،ممبر ضلع کونسل نذیر رندھاوا اور (ن)لیگی راہنما خان خالد خان نے بھی خطاب کیا اس تقریب میں فادر ریورنڈ سلیم حفیظ،پادری حلیم مسیح،الیاس سالک،ماسٹر سردار مسیح،شاہد مسیح،لالہ نواب مسیح،نمبردار جان مسیح،خالد غوری اور دیگر اقلیتی برادری نے بورے والا سے (ن)لیگ کی شاندار کامیابی پر منتخب ارکان اسمبلی کو مبارک باد دی دریں اثناء (ن)لیگ کے پینل کی کامیابی میں ممبر ضلع کونسل نذیر مسیح رندھاوا کا اہم کردار ہے۔