مسلح ڈکیتی کی واردات کے دوران مذاحمت پر ڈاکوﺅں کی فائرنگ سے ایک ڈاکو زخمی ہو گیا
بورے والا(چوہدری اصغر علی جاوید سے)مسلح ڈکیتی کی واردات کے دوران مذاحمت پر ڈاکوﺅں کی فائرنگ سے ایک ڈاکو زخمی ہو گیا،ملزمان اپنے زخمی ساتھی کو اٹھا کر فرار ہو گئے،تفصیلات کے مطابق گزشتہ شب ساڑھے دس بجے چک 295ای بی جملیرا روڈ پر موٹر سائیکل سوار تین مسلح ڈاکوﺅں نے ناکہ لگا کر راہگیروں کو لوٹنے کی کوشش کی تو راہگیروں نے مزاحمت کرتے ہوئے شورڈالنا شروع کر دیا قریبی آبادی سے لوگ بھاگ کر جائے وقوعہ کی جانب آئے تو ڈاکوﺅں نے فائرنگ شروع کر دی اندھیرے میں فائر سے ان کا اپنا ساتھی ہی شدید زخمی ہو گیا جسے وہ اٹھا کر موٹر سائیکل پر فرار ہو گئے فوری طور پر مقامی پولیس کو اطلاع دی گئی جبکہ درجنوں دیہاتیوں نے بھی موٹر سائیکلوں پر تعاقب شروع کر دیا تو ملزمان دو دیہاتیوں کے قریب سے گزرنے کے بعد موٹر سائیکل پھینک کر کھیتوں کی جانب اپنے ساتھی کو اٹھا کر غائب ہو گئے ڈی ایس پی بورے حافظ خضر زمان بھی سرکل پولیس کی نفری کے ہمراہ وہاں پہنچ گئے اور کھیتوں میں سرچ آپریشن شروع کر دیا پولیس ذرائع کے مطابق چھ کلو میٹر تک کھیتوں میں بہتے ہوئے خون کے نشانات موجود تھے مگر ڈاکوﺅں اور زخمی کے بارے میں کامیابی نہیں ہوئی خیال کیا جاتا ہے کہ پولیس کی کھیتوں میں تلاش کے دوران ملزمان کے اور دیگر ساتھی زخمی کو لے کر غائب ہو گئے پولیس نے بتایا کہ جلد ہی ملزمان گرفتار کر لیے جائیں گے۔
About Author
