میری کامیابی اللہ تعالیٰ کے خصوصی کرم اور حلقہ کے عوام کی محبتوں کا لازوال تحفہ ہے۔خالد محمود ڈوگر
بورے والا(چوہدری اصغر علی جاوید سے)پاکستان مسلم لیگ(ن) کے نومنتخب ممبر صوبائی اسمبلی حلقہ پی پی230 سردار خالد محمود ڈوگر نے کہا ہے کہ میری کامیابی اللہ تعالیٰ کے خصوصی کرم اور حلقہ کے عوام کی محبتوں کا لازوال تحفہ ہے،عوام کی محبتیں میرے اوپر قرض ہیں انشاءاللہ پوری قوت اور جزبے سے عوامی خدمت کے لیے کوئی کسر اٹھا نہیں رکھوں گا،عوام کے بھرپور اعتماد کا شکریہ ادا کرتا ہوں جنہوں نے مجھے میرے حلقہ سے ایم پی اے منتخب کروا کے خدمت کا موقع دیا اب عوام کے مسائل انکی دہلیز پر حل کئے جائیں گے اور اپنے حلقے میں بھرپور رابطہ رکھوں گا،عوامی خدمت کے لیے میرے گھر کے دروازے چوبیس گھنٹے کھلے رہیں گے،ان خیالات کا اظہار انہوں نے مرکزی جمعیت اہلحدیث بورے والا کے وفد سے ملاقات کے موقع پر گفتگو کرتے ہوئے کیا اس موقع پر ضلعی نائب امیر پروفیسر احمد کامران تھہیم،رانا راشد احسان،حافظ مقصود گجر،عبدالستار شاہد،عبدالحمید جاوید،مولانا افضل یزدانی،عبدالغفار کھوکھر،مولانا عمر فاروق،محمد شہباز ایوب،عبدالرزاق بھولا کے علاوہ دیگر بھی موجود تھے دریں اثناءممبر صوبائی اسمبلی سردار خالد محمود ڈوگر نے نائب امیر مرکزی جمعیت اہلحدیث ضلع وہاڑی پروفیسر احمد کامران تھہیم اور انکے ہمراہ آنے والے مرکزی جمعیت اہلحدیث کے وفد کا الیکشن میں حمایت کرنے پر بھرپور شکریہ ادا کیا۔
About Author
