اسحاق خاکوانی کی ضد اور ہٹ دھرمی نے پی ٹی آئی کو ناقابل تلافی نقصان پہنچایا۔نذیر جٹ
بورے والا(چوہدری اصغر علی جاوید سے)سابق ایم این اے”جٹ گروپ“کے سربراہ چوہدری نذیر احمد جٹ نے کہا ہے کہ اسحاق خاکوانی کی ضد اور ہٹ دھرمی نے پی ٹی آئی کو ناقابل تلافی نقصان پہنچایا،اپنی نشست کے دفاع میں خاکوانی نے دو قومی اور تین صوبائی نشستوں پر (ن)لیگ کو کامیاب کروایا،بورے والا میں پی ٹی آئی کا ووٹ ایک لاکھ سے بھی زیادہ ہے ٹکٹوں کی غلط تقسیم کی وجہ سے یہ ووٹ دو حصوں میں بٹ گیا ہے اگر ٹکٹ ہمارے پاس رہتے تو ہم (ن)لیگ کو عبرتناک شکست سے دوچار کرتے الیکشن میں کامیابی یا ناکامی سیاست کا حصہ ہے لیکن ہم پی ٹی آئی کے ورکرز کو مایوس نہیں کریں گے بہت جلد کارکنان کو ایک بڑی خوشخبری دیں گے بورے والا کے عوام نے الیکشن میں جو فیصلہ کیا ہے وہ شہر کے لیے نقصان دھ ہے کیونکہ (ن)لیگ مرکز اور صوبے میں اپوزیشن ہونے کی وجہ سے تعمیر و ترقی اور عوامی مسائل کے حل میں ناکام ہوگی لیکن ہم ہار کر بھی حکومت کے ساتھ کھڑے ہونگے اور عوام کی محرومیوں کا ازالہ کرینگے،ان خیالات کا اظہار انہوں نے امیدوار صوبائی اسمبلی حلقہ پی پی229 چوہدری عثمان احمد وڑائچ کی جانب سے اپنے ڈیرہ پر اپنے گروپ کے ورکرز کا شکریہ ادا کرنے کیلئے اُنکے اعزاز میں دئیے گئے عشائیہ سے خطاب کرتے ہوئے کیا چوہدری عثمان احمد وڑائچ نے اپنے خطاب میں کہا کہ حلقہ کے عوام نے الیکشن میں ہمارا بھرپور ساتھ دیا ہے انتہائی قلیل وقت میں عوام نے اپنی بھرپور محبت کا ثبوت دیا ہے ورکرز کو تنہا نہیں چھوریں گے اور اُنکے ساتھ مکمل رابطہ رکھ کر اُنکے مسائل کو ہر سطح پر حل کروانے کی کوشش کریں گے اور میدان خالی نہیں چھوڑیں گے تقریب سے امیدوار صوبائی اسمبلی حلقہ پی پی230 عبدالحمید بھٹی اور رائے غلام مصطفےٰ ریاض نے بھی خطاب کیا جبکہ اس موقع پر پاکستان عوامی تحریک جنوبی پنجاب کے صدر چوہدری فیاض احمد وڑائچ،معروف سماجی شخصیت مرزا خالد محمود،بلدیہ بورے والا کے اپوزیشن لیڈر غلام مصطفی بھٹی،چیئرمین یوسیز،کونسلرز اور ہزاروں کارکنان نے بھی شرکت کی۔
About Author
