آرائیں،راﺅ،جٹ،وڑائچ اور انصاری برادریوں نے ارشاد آرائیں کی حمایت کا اعلان کر دیا
بورے والا(چوہدری اصغر علی جاوید سے)بورے والا کی معروف سیاسی و سماجی شخصیات چوہدری بختیار علی وڑائچ،سابق ممبر ضلع کونسل ان کے دست راست چوہدری شفاقت علی جٹ آف چک 305ای بی،پیپلز پارٹی کے راہنما مرحوم راﺅ فریاد علی خان کے صاحبزادے راﺅ عتیق الرحمان،رانا محمد یٰسین،حاجی عنایت علی وسیر آف چک 495ای بی،راﺅ محمد اسلام آف مجاہد کالونی اور چوہدری عبدالمجید آرائیں نے سابق ایم پی اے آزاد امیدوار صوبائی اسمبلی بورے والا پی پی230 چوہدری ارشاد احمد آرائیں کی حمایت کا اعلان کر دیا گزشتہ روز ڈیرہ بابا راﺅ واجد علی خان مجاہد کالونی بورے والا اور مختلف چکوک میں کارنر میٹنگز کے دوران خطاب کرتے ہوئے چوہدری ارشاد احمد آرائیں نے مذکورہ سرکردہ شخصیات کی طرف سے اپنی حمایت پر ان کا شکریہ ادا کیا اور کہا کہ انہوں نے اپنے 5سالہ دور اقتدار میں بورے والا شہر اور دیہات کے عوام کی بے لوث خدمت کی ہے کبھی جھوٹے مقدمات درج نہیں کروائے یہی وجہ ہے کہ وہ آج اپنا سر فخر سے بلند کر کے اپنی الیکشن کمپین چلا رہے ہیں ہر پارٹی اور برادری کے افراد میری بھرپور حمایت کا اعلان کر کے میرے ساتھ اظہار وفاداری کر رہے ہیں انشاءاللہ میں 25جولائی کے الیکشن میں عوام کی بھاری مینڈیٹ سے کامیاب ہو کر ان کی پہلے سے بھی زیادہ خدمت کروں گا انہوں نے ووٹرز سے اپیل کی کہ وہ 25جولائی کو گھڑے کے انتخابی نشان پر مہر لگا کر انہیں کامیاب کروائیں۔
About Author
