عرس بابا حاجی شیر کی تقریبات میں 1لاکھ سے زائد زائرین کی آمد متوقع
بورے والا(چوہدری اصغر علی جاوید سے)عرس بابا حاجی شیر کی تقریبات میں 1لاکھ سے زائد زائرین کی آمد متوقع،انتظامیہ کاغذی کاروائی اور میٹنگوں تک محدود،گندگی کے ڈھیر اور سیوریج کا گندا پانی آنے والے زائرین کا منہ چڑانے کیلئے تیار،ناقص سیکورٹی انتظامات کی وجہ سے عرس کے موقع پر کسی بھی بڑے حادثے کا خطرہ،زائرین کا وزیر اعلیٰ پنجاب،آر پی او ملتان سے نوٹس لینے کا مطالبہ،تفصیلات کے مطابق بابا حاجی شیر کے سالانہ عرس کی تقریبات کل سے شروع ہو رہی ہیں اس سلسلہ میں انتظامیہ کی کارکردگی میٹنگوں کے ذریعے خانہ پری تک محدود نظر آ رہی ہیں تاحال مزار کے اردگرد گندگی کے ڈھیروں کا انبار لگا ہوا ہے سیوریج سسٹم ناکارہ ہونے کی وجہ سے گندہ پانی سڑکوں اورگلیوں داخل ہو گیا ہے جس سے سارا شہر گندے پانی میں ڈوبا ہوا ہے زائرین نے صحافیوں کو بتایا کہ محکمہ اوقاف سمیت دیگر اداروں کی کارکردگی صرف کاغذوں تک ہی محدود ہے زائرین کو پینے کے پانی کی سہولت بھی میسر نہیں ہے جبکہ سکیورٹی کیلئے خار دار تار،سی سی ٹی وی کیمروں سمیت کوئی بھی انتظامات دیکھنے میں نہیں آ رہا ہے مزار پر گذشتہ عرس کے دوران جیب تراش 300 سے زائد زائرین کی جیبیں صاف کر کے ان کو موبائلوں اور نقدی سے محروم کر چکے ہیں لنگر خانوں میں بھی کسی قسم کا کوئی انتظام نہیں کیا گیا ہے ناقص سیکورٹی کی وجہ سے عرس کے دوران کسی بھی وقت کوئی بڑا حادثہ رونما ہونے کا اندیشہ لاحق ہے زائرین نے وزیر اعلیٰ پنجاب اور آر پی او ملتان سے انتظامیہ کی جانب سے عرس کے انتظامات میں مبینہ غفلت برتنے پر نوٹس لینے کا مطالبہ کیا ہے۔
About Author
