جلسوں اور ریلیوں پر پابندی کے بعد سیاسی سرگرمیاں محدود ہو گئیں،نون اور جنون آمنے سامنے
بورے والا(چوہدری اصغر علی جاوید سے)جلسوں اور ریلیوں پر پابندی کے بعد سیاسی سرگرمیاں محدود ہو گئیں،نون اور جنون آمنے سامنے،برادریوں کے عمل دخل سے نظریات جاتے رہے،این اے162 میں خالد چوہان اور فقیر احمد آرائیں کے مابین کاٹنے کا مقابلہ،پی پی230 میں جنون اور نون کا مقابلہ آزاد امیدوار سے ہو گا،الیکشن کمیشن کی طرف سے انتخابی ضابطہ اخلاق کے تحت کھلے عام جلسوں اور ریلیوں پر پابندی کی وجہ سے سیاسی گہما گہمی صرف امیدواروں تک محدود ہو کر رھ گئی ہے،سیاسی جماعتوں نے اپنے امیدواروں کا اعلان تو کر دیا ہے لیکن برادری،علاقائی دھڑے بندی اور شخصیات کی بنیاد پر ووٹرز کا رجحان زیادہ نظر آ رہا این اے162 میں اصل مقابلہ پی ٹی آئی کے خالد محمود چوہان اور (ن)لیگ کے چوہدری فقیر احمد کے مابین دیکھا جا رہا ہے اس حلقہ سے عائشہ نذیر جٹ بھی بھی آزاد امیدوار کے طور پر میدان میں موجود ہیں چوہدری فقیر احمد کو پارٹی کے علاوہ آرائیں،ڈوگر اور دیگر برادریوں کی حمایت حاصل ہے جبکہ پی ٹی آئی کے جنون کے ساتھ ساتھ گجر،ڈوگر،بھٹی،آرائیں اور دیگر برادریوں کی حمایت حاصل ہے پی پی230 میں پی ٹی آئی کے خالد نثار ڈوگر،(ن)لیگ کے سردار خالد محمود ڈوگر اور آزاد امیدوار عبدالحمید بھٹی کا مقابلہ سابق ایم پی اے آزاد امیدوار چوہدری ارشاد احمد آرائیں کے ساتھ ہے ان تمام امیدواروں کا بھی زیادہ تر دارومدار برادریوں اور مقامی دھڑوں پر ہے الیکشن کمیشن کی جانب سے انتخابی ضابطہ اخلاق کی پابندی کیلئے مختلف موبائل مانیٹرنگ ٹیمیں شہر میں گشت کرتی نظر آتی ہیں اور کسی بھی ممکنہ کشیدگی کو روکنے کیلئے ہر ممکن اقدمات کیے جا رہے ہیں۔
About Author
