کاغذات نامزدگی کا آخری روز،پی ٹی آئی،(ن)لیگ،پی پی پی اور آزاد امیدواروں کا رش

بورے والا(چوہدری اصغر علی جاوید سے)کاغذات نامزدگی کا آخری روز،پی ٹی آئی،(ن)لیگ،پی پی پی اور آزاد امیدواروں کا رش،لیگی راہنماء آزاد امیدوار خالد محمود ڈوگر نے بڑی ریلی کی شکل میں کاغذات نامزدگی جمع کروائے،ضلعی صدر پی ٹی آئی نے بھی پارٹی کے نامزد پینل کے خلاف اپنے آزاد امیدواروں کے کاغذات جمع کروا دئیے،پی ٹی آئی کا نظریاتی گروپ الیکشن میں بھرپور حصہ لے گا،خالد چوہان،تفصیلات کے مطابق الیکشن2018 میں حصہ لینے کے خواہشمند امیدواروں کی طرف سے آج آخری روز بہت زیادہ جوش و خروش دیکھنے کو آیا پی ٹی آئی کی جانب سے این اے 162 سے عائشہ نذیر جٹ،اُنکے والد سابق ایم این اے نذیر احمد جٹ نے پی پی299 سے،سابق ایم پی اے عبدالحمید بھٹی نے پی پی230 سے جبکہ نذیر جٹ اور اُنکی بیٹی عارفہ نذیر جٹ نے این اے163 سے،پی ٹی آئی کے نامزد امیدوار اسحاق خاں خاکوانی کے مقابلہ میں بھی کاغذات نامزدگی جمع کروا دئیے حلقہ پی پی230 سے مسلم لیگی راہنما سابق سٹی ناظم سردار خالد محمود ڈوگر نے اپنے حلقہ کے سینکڑوں کارکنان کے ہمراہ گاڑیوں اور موٹر سائیکلوں پر مشتمل بڑی ریلی کی شکل میں ریٹرننگ آفیسر کے دفتر پہنچ کر اپنے کاغذات نامزدگی جمع کروائے اس موقع پر چیئرمین یونین کونسلز،کونسلرز بلدیہ،وکلاء،مسلم لیگی کارکنان اور نمائندہ شہریوں کی کثیر تعداد اُنکے ہمراہ تھی پی ٹی آئی کے ضلعی صدر چوہدری خالد محمود چوہان کے دیگر عہدیداران و کارکنان کے ہمراہ این اے162 اور پی پی230 سے کاغذات نامزدگی جمع کروا دئیے اُنکے ہمراہ حلقہ پی پی 229سے سابق سنیٹر پیر ذوالفقار احمد چشتی کے بیٹے سابق ناظم پیر ہمایوں افتخار چشتی نے بھی پی ٹی آئی کے آزاد پینل کے ہمراہ کاغذات جمع کروا دئیے اس موقع پر امیدوار صوبائی اسمبلی حلقہ پی پی 230 غلام مصطفےٰ بھٹی،چیئرمین یوسی پیر مطیب چشتی،چوہدری محمد شفیق گجر اور ساجد کمبوہ سمیت دیگر پارٹی ورکرز بھی موجود تھے پیپلز پارٹی کی جانب سے چوہدری کامران یوسف گھمن نے این اے162 اور پی پی230 سے اپنے کاغذات نامزدگی جمع کروا دئیے پی پی229 سے سابق صوبائی وزیر چوہدری محمود اختر گھمن کے بیٹے چوہدری سلمان یوسف گھمن نے بھی اپنے کاغذات جمع کروا دئیے آج آخری روز امیدواران اور اُنکے حامیوں کا بہت جوش و خروش دیکھنے کو آیا۔