ٹکٹوں کی تقسیم میں جو لوگ نظر انداز ہوئے ہیں انکا مجھے بھی افسوس ہے۔اسحاق خاں خاکوانی
بورے والا(چوہدری اصغر علی جاوید سے)پی ٹی آئی کے پارلیمانی بورڈ کے ممبر و صدر جنوبی پنجاب اسحاق خاں خاکوانی نے کہا ہے کہ ٹکٹوں کی تقسیم میں جو لوگ نظر انداز ہوئے ہیں انکا مجھے بھی افسوس ہے لیکن پارلیمانی بورڈ میں میرے علاوہ اور بھی لوگ تھے میں چار پانچ دن اپنے حلقہ میں تھا اور پیچھے سے بورڈ نے امیدواروں کا اعلان کیا ہے پارٹی کی خاطر دن رات کام کرتے ہوئے اپنا وقت اور سرمایہ صرف کرنے والوں کو پارٹی جب اقتدار میں آئے گی تو انہیں ایڈجسٹ کرے گی جب کسی گھر میں مرگ ہوتی ہے تو پہلے دن گھر والوں کی کیفیت اور ہوتی ہے قل خوانی کے بعد چہلم تک اس غم کی شدت کم ہو جاتی ہے اسی طرح آج جن کارکنان کو ٹکٹوں کی تقسیم پر دکھ یا رنجش ہے تو وہ آہستہ آہستہ معمول پر آجائے گی ہزاروں کی تعداد میں پارٹی ورکرز نے ٹکٹوں کے لیے درخواستیں دی ہونگی لیکن تمام کی خواہش تو پوری نہیں ہو سکتی ہے،ان خیالات کا اظہار انہوں نے حلقہ پی پی231 سے اپنے کاغذات نامزدگی جمع کروانے کے بعد میڈیا سے گفتگو کرتے ہوئے کیا اس موقع پر امیدوار صوبائی اسمبلی حلقہ پی پی232 اعجاز سلطان بندیشہ،تحصیل صدر طارق محمود باجوہ،چوہدری ریاض احمد کاہلوں،محمد عرفان قاضی اور دیگر راہنما بھی انکے ہمراہ تھے اسحاق خاں خاکوانی نے ایک سوال کے جواب میں کہا کہ نذیر احمد جٹ کا نام امیدواروں کی لسٹ میں اگر آیا ہے تو انکی نااہلی بارے جب وہ کاغذات نامزدگی جمع کروائیں گے تو پتہ چل جائے گا اگر انکے کاغذات درست قرار پائے تو وہ الیکشن لڑلیں گے اگر کوئی اعتراض آیا تو وہ خود اسکا دفاع کریں گے میرے متعلق اگر انہوں نے کوئی بات کی ہے تو وہ میں نے سنی نہیں ویسے بھی یہ پارٹی کا اندرونی معاملہ ہے جس پر بات کرنا مناسب نہیں۔
About Author
