غیرت کے نام پر سفاک سسر نے روزہ دار بہو کو ذبح کر دیا

بورے والا(چوہدری اصغر علی جاوید سے)غیرت کے نام پر سفاک سسر نے روزہ دار بہو کو ذبح کر دیا،چھرے سے گلا کاٹنے کے علاوہ پورے جسم کو چھلنی کر دیا،خاتون کو تشویشناک حالت میں نشتر ہسپتال ملتان ریفر کر دیا گیا،ملزم سسر نے آلہٰ قتل سمیت پولیس کو گرفتاری دے دی،تفصیلات کے مطابق نواحی آبادی معصوم شاہ کالونی کے محنت کش نوجوان محمد شفیق کی شادی چار سال قبل خانیوال کی رہائشی ارم شہزادی سے ہوئی اور اسکی تین معصوم بیٹیاں ہیں گذشتہ روز شفیق نے اپنے دوستوں اور محلے داروں کو افطاری دی اس دوران اسکے محلے کا ایک شخص انکے گھر گیا تو اسکے والد حاکم علی نے شک کیا کہ اسکی بیوی ارم شہزادی کے اس شخص سے ناجائز تعلقات ہیں اس بات پر انکے مابین شدید تلخ کلامی بھی ہوئی آج صبح شفیق اور اسکی بیوی نے دیگر اہل خانہ کے ہمراہ سحری کے وقت روزہ رکھا اور کام کاج کے بعد شفیق کی بیوی آرام کے لیے لیٹی ہوئی تھی شفیق گھر سے باہر تھا کہ اچانک اسکا باپ حاکم علی گھر آیا اور چار پائی پر لیٹی ہوئی اپنی بہو کا تیز دھار چھرے سے گلا کاٹنے کے بعد پے در پے وار کرکے اسے بری طرح چھلنی کر دیا شفیق واقعہ کا پتہ چلتے ہی گھر پہنچا تو اسکی بیوی خون میں لت پت تھی جبکہ اسکی تینوں معصوم بیٹیاں اپنی ماں کو دیکھ کر چیخ و پکار کر رہی تھیں ارم شہزادی کو شدید زخمی حالت ٹی ایچ کیو ہسپتال بورے والا منتقل کیا گیا جہاں سے ابتدائی طبی امداد کے بعد تشویشناک حالت میں اُسے نشتر ہسپتال ملتان ریفر کر دیا گیا معلوم ہوا ہے کہ ملزم حاکم علی نے آلہٰ قتل سمیت پولیس کو گرفتاری دیدی پولیس نے کاروائی شروع کر دی۔