کارکنان آئندہ الیکشن کی بھرپور تیاری جاری رکھیں،پارٹی اچھے لوگوں کو آگے لیکر آئے گی۔فواد چوہدری
بورے والا(چوہدری اصغر علی جاوید سے)پاکستان تحریک انصاف کے مرکزی سیکرٹری انفارمیشن فواد چوہدری نے کہا ہے کہ میاں نواز شریف کا چیئرمین نیب کے متعلق بیان ”چور مچائے شور“ کے مترادف ہے آج تک اداروں کو خوفزدہ کرکے اپنی بداعمالیوں پر پردہ ڈالنے والے اب اللہ کے حکم سے انہیں اداروں کی پکڑ میں آ چکے ہیں،احتساب کے خوف سے شریف فیملی اور اُنکے حواریوں کا ذہنی توازن بگڑ چکا ہے اور انہیں اب مقدمات سے نکلنے کا کوئی راستہ نہیں مل رہا، عمران خان نواز شریف اور زرداری کے اعصاب پر سوار ہے،آئندہ الیکشن میں ان دونوں کو اپنی شکست نظر آ رہی ہے عمران خان پر اعتماد کا اظہار کرتے ہوئے باضمیر ارکان اسمبلی پی ٹی آئی میں شامل ہو رہے جو ملک میں تبدیلی کے خواہاں ہیں فرعونیت کا دور اب ماضی کا قصہ بن جائے گا بہت جلد اس ملک کو موجودہ نازک صورتحال سے دو چار کرنے والے کرپٹ عناصر جیلوں میں ہونگے پی ٹی آئی کے کارکنان آئندہ الیکشن کی بھر پور تیاری جاری رکھیں پارٹی اچھے لوگوں کو آگے لے کر آئے گی،ان خیالات کا اظہار انہوں نے بورے والا کے حلقہ پی پی230سے امید وار صوبائی اسمبلی غلام مصطفےٰ بھٹی کی قیادت میں پارٹی کے مرکزی دفتر اسلام آباد میں ملنے والے وفد سے گفتگو کرتے ہوئے کیا وفد میں ممبر میونسپل کمیٹی جاوید اقبال قادری اور ملک محمد سلیم بھی شامل تھے اس موقع پر غلام مصطفےٰ بھٹی نے مرکزی سیکرٹری انفارمیشن فواد چوہدری کو بورے والا کی موجودہ سیاسی صورتحال اور پارٹی کی ممبر سازی مہم کے حوالہ سے بریفنگ دی انہوں نے بتایا کہ پی ٹی آئی بورے والا سمیت ضلع بھر میں کلین سویپ کرے گی۔
About Author
