ایک ماہ قبل مبینہ کرپشن کے الزام میں ملازمت سے برخاست کیا گیا اے ایس آئی صدمے سے چل بسا
بورے والا(چوہدری اصغر علی جاوید سے)ایک ماہ قبل مبینہ کرپشن کے الزام میں ملازمت سے برخاست کیا گیا اے ایس آئی صدمے سے چل بسا،اللہ دتہ کو ڈی پی او وہاڑی نے کرپشن کی شکایت پر برطرف کر دیا تھا،اپیل کیلئے آر پی او ملتان کے دفتر گیا جہاں دل کا دورہ پڑا اور جاں بحق ہو گیا،مرحوم گھر کا واحد کفیل اور سات بچوں کا باپ تھا،باپ کی نعش دیکھ کر بیوی بچوں پر سکتہ طاری،گھر میں کہرام مچ گیا،تفصیلات کے مطابق نواحی آبادی 435ای بی بھلراں والی میں کرایہ کے مکان میں رہائش پذیر وہاڑی پولیس کے اے ایس آئی اللہ دتہ لکھن کو ایک ماہ قبل تھانہ لڈن میں تعیناتی کے دوران کرپشن کی شکایت پر انکوائری کے بعد ڈی پی او وہاڑی نے ملازمت سے برطرف کر دیا تھا اس برطرفی کے خلاف اُس نے آر پی او ملتان کے پاس اپیل کی ہوئی تھی گذشتہ روز اپیل کی سماعت کے سلسلہ میں وہ آر پی او ملتان کے روبرو پیش ہوا اور درخواست کی کہ اُسکے چھوٹے چھوٹے بچے ہیں گھر کا واحد کفیل ہوں اور مجھ پر کرپشن کا الزام غلط تھا مجھے بحال کرکے جبری ریٹائرڈ کر دیا جائے میں مذید ملازمت نہیں کر سکتا ابھی اُسکی یہ بات جاری تھی کہ آر پی او کے سامنے اُسے دل کا دورہ پڑا جسے آر پی او آفس سے فوری طور پر ہسپتال لے جایا گیا لیکن وہ جانبر نہ ہو سکا اللہ دتہ کی نعش جب اچانک اُنکے گھر پہنچی تو اُسکے بیوی بچوں پر سکتہ طاری ہو گیا اور کہرام برپا ہو گیا مرحوم گھر کا واحد کفیل اور چار بیٹیوں اور تین بیٹوں کا باپ تھا اللہ دتہ کے متعلق معلوم ہوا ہے کہ اُس نے چند سال قبل مرضی پورہ میں خطرناک ڈاکوﺅں کو پولیس مقابلہ میں ہلاک کر کے آئی جی پنجاب سے تعریفی سرٹیفکیٹ بھی حاصل کیا تھا اور محکمہ پولیس میں اُسکی شہرت بھی اچھی تھی۔
About Author
