چھٹی کے وقت بچونکو لیجانے کیلئے انتظار میں کھڑی سکول وین میں اچانک آگ بھڑک اُٹھی
بورے والا(چوہدری اصغر علی جاوید سے)چھٹی کے وقت بچونکو لیجانے کیلئے انتظار میں کھڑی سکول وین میں اچانک آگ بھڑک اُٹھی،وین میں پڑے گیس سلنڈر سے گیس لیکیج سے آگ شدت اختیار کر گئی،ویگن میں سوار ہونے کیلئے آنے والے طلباءو طالبات معجزانہ طور پر محفوظ،فائر برگیڈ نے بروقت پہنچ کر آگ پر قابو پایا،ویگنوں میں گیس سلنڈروں کی تنصیب نہ رک سکی،تفصیلات کے مطابق گرلز کالج ہسپتال روڈ پر چھٹی کے وقت طلباءو طالبات اور خواتین اساتذہ کو لیجانے کیلئے انتظار میں کھڑی سکول وین نمبر 4025ایل ای آئی جس کا ڈرائیور بھی موجود نہ تھا اُس میں اچانک شارٹ سرکٹ ہونے سے آگ بھڑک اُٹھی جس نے دیکھتے ہی دیکھتے وین کو اپنی لپیٹ میں لے لیا اور وین میں نصب گیس کا سلنڈر بھی لیکیج ہونے سے آگ کے شعلے دور دور تک بلند ہونے لگے واقعہ کی اطلاع ملتے ہی فائر برگیڈ کے عملہ نے فوری طور پر موقع پر پہنچ کر آگ پر قابو پا لیا تاہم ویگن بری طرح جل گئی اس وین میں تھوڑی ہی دیر بعد سوار ہونے کی غرض سے آنے والے طلباءو طالبات یہ منظر دیکھ کر شدید خوفزادہ نظر آئے تاہم وہ معجزانہ طور پر محفوظ رہے قابل افسوس امر یہ ہے کہ سکول ویگنوں اور دیگر گاڑیوں میں گیس سلنڈروں کی تنصیب ڈی سی وہاڑی، محکمہ ٹرانسپورٹ،سول ڈیفنس اور ٹریفک پولیس کی مجرمانہ غفلت کا ثبوت ہے۔
About Author
