لڈن روڈ پر اڈہ خیر والا کے قریب اغواء کاروں کی فائرنگ،ایک وکیل اور پولیس کانسٹیبل جاں بحق
بورے والا(چوہدری اصغر علی جاوید سے)لڈن روڈ پر اڈہ خیر والا کے قریب اغواء کاروں کی فائرنگ سے ایک وکیل اور پولیس کانسٹیبل سمیت جاں بحق،جاں بحق افراد ٹی ایچ کیو ہسپتال منتقل، بہاولپور سے اغواء ہونے والا نوجوان کو بازیاب کروانے کے بعد اغوا کاروں سے گاڑی اور موبائل واپس لینے اور دو لاکھ تاوان کی رقم ادا کرنا تھی،اغوا کاروں نے شک پڑنے پر اندھا دھند فائرنگ شروع کر دی،ملزمان فرار،تفصیلات کے مطابق منڈی یزمان کے رہائشی نوجوان شہزاد الحسن کو سات روز قبل نامعلوم اغوا کاروں نے بہاولپور سے گاڑی سمیت اغوا کر لیا تھا اور اُس کی بازیابی کیلئے ورثاء سے 6لاکھ روپے تاوان کی رقم کا تقاضہ کیا تھا جس پر دو روز قبل مغوی کے ورثاء نے اغوا کاروں کو طے شدہ رقم میں سے 4لاکھ روپے تاوان ادا کر کے نوجوان کو اغوا کاروں سے بازیاب کر وا لیا تھا جبکہ باقی دو لاکھ روپے کی ادائیگی اور گاڑی کی واپسی کیلئے اغوا کاروں سے آج کا وقت طے ہوا تھا اغوا کاروں نے مغوی کے ورثاءکو پہلے تاوان کی باقی رقم وصولنے کیلئے ہیڈ اسلام بلوایا لیکن بعدازاں انہوں نے بورے والا کے نواحی اڈا خیر والا کے قریب اُنکو بلوا لیا اغوا کاروں کی طرف سے عابد حسین ایڈووکیٹ اور سی آئی اے پولیس کا ایک اہلکار شیخ بلال حسین کے علاوہ مغوی کے دو رشتہ دار بھی اُنکے ساتھ تھے جونہی وہ اڈا خیر والا پہنچے تو انہوں نے اغوا کاروں کو اپنی آمد کی اطلاع کی اور جب وہ اپنی گاڑی سے نیچے اُترے تو اغوا کاروں نے ان پر اندھا دھند شروع کر دی جس کے نتیجہ میں عابد حسین ایڈووکیٹ اور شیخ بلال حسین موقع پر ہی جاں بحق ہو گے ملزمان فائرنگ کرتے ہوئے موقع سے فرار ہو گئے جاں بحق ہونے والے افراد کی نعشیں تحصیل ہیڈ کوارٹر ہسپتال بورے والا منتقل کر دی گئی جبکہ ڈی پی او وہاڑی کی ہدایت پر ملزمان کی گرفتاری کیلئے پولیس نے پورے علاقہ کی ناکہ بندی کروا کے سرچ آپریشن شروع کروا دیا۔
About Author
