بلدیہ کا اجلاس،اپوزیشن ارکان کا صفائی کی ابتر صورتحال اور اڈا فیس میں اوورچارجنگ پر شدید احتجاج

بورے والا(چوہدری اصغر علی جاوید سے)بلدیہ بورے والا کا اجلاس،اپوزیشن ارکان کا صفائی کی ابتر صورتحال،تجاوزات،نکاسی آب اور اڈا فیس میں اوور چارجنگ پر شدید احتجاج،چار ماہ کی تاخیر سے اجلاس بلانے پر بھی اپوزیشن کا اظہار برہمی،بلدیہ اپنے وسائل میں رہتے ہوئے عوامی مسائل کے حل کی ہر ممکن کوشش کر رہی ہے،حوصلے پست نہیں ہوئے،چیئرمین بلدیہ کا ایوان سے خطاب،تفصیلات کے مطابق میونسپل کمیٹی بورے والا کا اجلاس زیر صدارت کنونیئر حاجی محمد افتخار بھٹی منعقد ہوا جس میں سابقہ اجلاس کی توثیق کی گئی اجلاس سے خطاب کرتے ہوئے اپوزیشن کونسلر مہر طاہر امجد اور راﺅ غفار علی نے شہر میں صفائی کی ابتر صورتحال،نکاسی آب کے ناقص نظام،اندرون شہر تجاوزات کی بھرمار پر شدید نقطہ چینی کرتے ہوئے کہا کہ ڈیڑھ سال کا عرصہ گزرنے کے باوجود بلدیہ کے حکام ان مسائل کے حل میں بری طرح ناکام ہیں انہوں نے لاری اڈا پر اڈا فیس کی اوور چارجنگ کی شدید الفاظ میں مذمت کرتے ہوئے کہا کہ اس اوور چارجنگ کی وجہ سے گذشتہ ماہ پیش آنے والا ناخشگوار واقعہ جس میں چیئرمین بلدیہ نے ٹھیکیدار کے خلاف کاروائی کی بجائے 16گھنٹے ٹریفک بلاک کرکے اپوزیشن کا کردادا کیا جس سے شہریوں کو مشکلات کا سامنا کرنا پڑااس اوورچارجنگ کی نشاندہی اس واقعہ سے قبل بھی چیئرمین بلدیہ کو کی تھی لیکن نوٹس نہ لینے کی وجہ سے یہ افسوسناک واقعہ پیش آیا بلدیہ کا اجلاس جو کہ ہر ماہ ہونا ہوتا ہے لیکن چیئرمین نے اپنی کوتاہیوں کو چھپانے کے لیے چار ماہ بعد اجلاس بلایا جس کی وجہ سے شہر کے حل طلب مسائل جوں کے توں ہیں،اپوزیشن ارکان شہباز حسین باجا بھٹی اور جاوید اقبال قادری نے بھی شہر میں تجاوزات،صفائی کی ابتر صورتحال اور دیگر مسائل پر سخت برہمی کا اظہار کیا انہوں نے کہا کہ تھانہ ماڈل ٹا?ن کے اردگرد تجاوزات قائم کروا کے ان سے ایک سابق کونسلر بھتہ وصولی کرتا ہے جس میں بلدیہ کا عملہ بھی ملوث ہے اسکی انکوائری کروائی جائے انہوں نے کہا کہ سابقہ دور میں ہونے والی کرپشن کی ٹھوس بنیادوں پر انکوائری کروا کے اس میں ملوث افراد کے خلاف کاروائی کی جائے حکومتی ارکان سردار ظہور احمد ڈوگر، چیئرمین انکروچمنٹ کمیٹی میاں خالد حسین،عمران غفور چوہدری اور سیٹھ اسرار احمد نے کہا کہ اپوزیشن ارکان تنقید برائے تنقید کی بجائے مسائل کے حل کیلئے قابل عمل تجاویز نہیں دیتے بلدیہ نے ساڑھے چار سال میں اپنے وسائل سے بڑھ کر شہر کے مسائل کو حل کیا ہے اور عوام کی توقعات پر پورا اترنے کی ہر ممکن کوشش کی ہے 35سال میں مسائل کے جو پہاڑ لگائے گئے ہیں انہیں ایک سال میں کیسے حل کیا جا سکتا تھا اسکے باوجود ہم عوام اور علاقہ کی ترقی کیلئے کوشاں ہیں اجلاس سے خطاب کرتے ہوئے چیئرمین بلدیہ چوہدری محمد عاشق آرائیں نے کہا کہ تجاوزات اور صفائی کے حوالہ سے ہم تمام تر وسائل کو بروئے کار لا کر عوام کو ہر ممکن سہولیات فراہم کر رہے ہیں جو لوگ یہ سمجھتے ہیں کہ ہم مسائل کے حل میں ناکام ہو گئے ہیں وہ سیاسی پوائنٹ سکورنگ کر رہے ہیں نہ ہی ہم ناکام ہوئے ہیں اور نہ ہی ہمارے حوصلے پست ہوئے ہیں ہم نے ڈیڑھ سال کے دوران شہر سے گندگی کے پہاڑ ختم کیے ہیں،نکاسی آب کے نظام کو پہلے سے بہتر بنایا ہے اور وسائل کی کمی کے باوجود شہر کی تعمیر و ترقی کیلئے تمام ممکنہ فنڈز استعمال کرکے عوام کی مشکلات کم کی ہیں 40سال سے بلدیہ کے پاس جو عملہ صفائی ہے آبادی میں کئی گناہ اضافہ کے باوجود عملہ وہی ہے مسائل کے مقابلہ میں وسائل کم ہیں اسکے باوجود ہم عوام کے مسائل سے غافل نہیں اللہ تعالیٰ نے جو ذمہ داری مجھے دی ہے اسے امانت سمجھ کر عوام کی فلاح و بہبود کے لیے صرف کر رہا ہوں ہم نے کرپشن کا خاتمہ کر کے ادارہ کو کرپشن فری بنایا ہے آئندہ بھی شہر کے وسیع تر مفاد کو سامنے رکھ کر عوام کی خدمت کریں گے اجلاس میں چیف آفیسر راﺅ محمد علی،میونسپل آفیسر فنانس غلام یٰسین کھچی،ماجد یوسف اور دیگر افسران بھی موجود تھے۔