موجودہ حکومت کو آئندہ مالی سال کیلئے تین ماہ سے زیادہ کا بجٹ پیش نہیں کرنا چاہئے۔صادق سنجرانی

بورے والا(چوہدری اصغر علی جاوید سے)چیئرمین سینٹ صادق سنجرانی نے کہا ہے کہ مشترکہ مفادات کونسل میں چھوٹے صوبوں کے تحفظات دور کرنا حکومت کی ذمہ داری ہے،ملک میں موجود پانی کے ذخائر کو بڑھانے کیلئے حکومت کو عملی اقدامات کرنے ہونگے،ملکی زراعت اور معیشت کا بڑا انحصار پانی پر ہے جسے پورا کرنے کیلئے ٹھوس اور جامع پالیسی مرتب ہونی چاہئے پاکستان کو اس وقت سب سے بڑا چیلنج جو درپیش ہے وہ پانی کی کمی کو پورا کرنا ہے اگر آج سے پہلے ملک میں پانی ذخیرہ کرنے کیلئے چھوٹے ڈیمز بنا لیئے جاتے تو آج پانی کی کمی کے جن مشکل حالات سے ملک گزر رہا ہے اس پر قابو پایا جا سکتا تھا ملکی اداروں کی مضبوطی اور استحکام کے بغیر ہم درپیش چیلنجز کا مقابلہ نہیں کر سکتے،موجودہ حکومت کو آئندہ مالی سال کیلئے تین ماہ سے زیادہ کا بجٹ پیش نہیں کرنا چاہئے کیونکہ باقی عرصہ کے بجٹ کا استحقاق آنے والی حکومت کے پاس ہونا چاہئے صوبوں کو وسائل کی تقسیم منصفانہ بنا کر چھوٹے صوبوں کی محرومیوں کا ازالہ کیا جا سکتا ہے،ان خیالات کا اظہار انہوں نے پی ٹی آئی کے راہنما حاجی محمد اشرف بھی سے ملاقات کے دوران گفتگو کرتے ہوئے کیا چیئرمین سینٹ نے حاجی محمد اشرف بھٹی سے بورے والا سمیت جنوبی پنجاب کو علاقائی سیاست بارے بھی تبادلہ خیال کیا اور حاجی محمد اشرف کی دعوت پر بورے والا آنے کا بھی وعدہ کیا۔