حلقہ کی تعمیر و ترقی اور عوام کی فلاح و بہبود منتخب عوامی نمائندوں کا فرض ہوتا ہے۔نذیر آرائیں،ارشاد آرائیں

بورے والا(چوہدری اصغر علی جاوید سے)مسلم لیگ(ن) کے ایم این اے وفاقی پارلیمانی سیکرٹری قانون و انصاف چوہدری نذیر احمد آرائیں نے کہا ہے کہ حلقہ کی تعمیر و ترقی اور عوام کی فلاح و بہبود منتخب عوامی نمائندوں کا فرض ہوتا ہے ہم نے اپنے دور اقتدار میں تعلیم،صحت،بجلی کی فراہمی،سوئی گیس کی فراہمی،سڑکوں کی تعمیر،نکاسی آب،سولنگ،ٹف ٹائل اور دیگر تمام ترقیاتی منصوں پر اربوں روپے خرچ کئے شہر اور دیہات کے عوام کو یکساں سہولتیں فراہم کر کے دیہات کو شہروں کے برابر لا کھڑا کیا ہے یہ میاں نواز شریف اور میاں شہباز کا ویژن تھا جسے پوری دیانتداری سے پایہ تکمیل کو پہنچایا یہ سب عوام کے ووٹ کی طاقت کا نتیجہ ہے اس دور میں 24 ہزار نئے سوئی گیس کے کنکشن فراہم کر اس سہولت سے محروم علاقوں کو یہ سہولت فراہم کی،ان خیالات کا اظہار انہوں نے گلشن رحمان میں منعقدہ تقریب سے خطاب کرتے ہوئے کیا تقریب سے خطاب کرتے ہوئے ایم پی اے چوہدری ارشاد احمد آرائیں نے کہا ہے کہ 2013 میں عوام نے ووٹ دیکر ہمیں ذمہ داری دی تھی ہم نے نیک نیتی سے اس ذمہ داری کو ممکنہ حد تک پوری کرنے کی کوشش کی جن آبادیوں اور علاقوں میں ترقیاتی کاموں کی ضروت تھی وہاں ہر ممکن فنڈز فراہم کئے ہیں اس دور میں وزیر اعلیٰ پنجاب نے بورے والا کو اربوں روپے کے فنڈز جاری کیے جس سے مکمل ہونے والے ترقیاتی کام موجودہ حکومت کی عوام سے محبت کا ثبوت ہے سابقہ دور میں ٹی ایم اے کے سربراہان نے کروڑوں روپے کی خطیر رقم ناقص اور غیر معیاری کاموں کے ذریعے زمین بوس کر دی لیکن موجودہ بلدیہ کی قیادت دیانتداری سے شہر کی تعمیر و ترقی اور عوام کے مسائل کے حل کی دن رات کوشش کر رہی ہے اگر عوام نے آئندہ بھی ذمہ داری دی تو انکی توقعات سے بڑھ کر خدمت کریں گے بورے والا کے مین بائی پاس کے منصوبے کی وزیر اعلیٰ پنجاب نے منظوری دے کر آئندہ مالی سال کے نئے بجٹ میں رقم بھی مختص کر دی ہے تقریب سے چیئرمین بلدیہ چوہدری محمد عاشق آرائیں نے اپنے خطاب میں کہا کہ ارکان اسمبلی نے بلدیہ کے ذریعے 35 کروڑ کے ترقیاتی کام کروائے ہیں اس دور میں جو ترقیاتی کام ہوئے ہیں انکا ڈھنڈورا نہیں پیٹا بلکہ اسکو اپنی ذمہ داری سمجھا ہے آئندہ بھی یہی نمائندے کامیاب ہو کر آپکی خدمت کریں گے تقریب سے کونسلر بلدیہ حاجی عبدالجبار بٹ،ممبر ضلعی زکواة کمیٹی چوہدری ارشاد حسین اور میاں محمد اشرف نے بھی خطاب کیا اس تقریب میں چیئرمین یوسی امیدوار صوبائی اسمبلی حلقہ پی پی229 چوہدری محمد اسحاق،چوہدری اطہر غفور،عبدالغفار بھٹی،چوہدری ریاض عظیم،چوہدری منیر احمد،راشد محمود گھمن،چوہدری انور صادق،چوہدری محمد یعقوب،چوہدری محمد سلیم،مفتی احسن صدیق،حاجی محمد شریف طوطی اور دیگر نمائندہ شخصیات بھی موجود تھیں۔