تجاوزات کے خاتمہ کیلئے چیئرمین بلدیہ،ایم پی اے،سول سوسائٹی اور انجمن تاجران کا ون پوائنٹ ایجنڈے پر اتفاق

بورے والا(چوہدری اصغر علی جاوید سے)تجاوزات کے خاتمہ کیلئے چیئرمین بلدیہ،ایم پی اے،سول سوسائٹی اور انجمن تاجران کا ون پوائنٹ ایجنڈے پر اتفاق،شہر میں بلاتفریق گرینڈ آپریشن سے قبل تاجروں کو اعتماد میں لینے کا فیصلہ،آپریشن میں بلدیہ کا عملہ،اسسٹنٹ کمشنر اور پولیس کی مشترکہ ٹیم کاروائی کرے گی،سول سوسائٹی کی نشاندہی پر اعلیٰ سطحی اجلاس میں اصولی فیصلے کر لیے گئے آپریشن یکم مئی سے شروع کرنے پر اتفاق،تفصیلات کے مطابق بورے والا اندرون شہر کے علاوہ ملتان روڈ،لاہور روڈ اور چیچہ وطنی روڈ پر قائم غیر معمولی تجاوزات کی وجہ سے شہر کے مسائل میں بے پناہ اضافہ اور آئے روز حادثات کے پیش نظر آج بورے والا اپ ڈیٹس گروپ کے پلیٹ فارم سے سول سوسائٹی کے ارکان عبدالرﺅف چوہدری،سید سجاد حسین بخاری،زاہد حسین مشہدی،میاں محمد اشرف،عبدالمجیب پوسوال،محمد شیر خان کھچی،ندیم انجم سندھو،سید اظہر گیلانی،مطاہر جمیل رامے،میاں عدیل مختار،شاہد نواب خاں،مسعود عابد،چوہدری اصغر علی جاوید ،صدر پریس کلب اصغر علی جاوید (کامریڈ)،شاہد اکبر طور,محمد کریم سیفی،چوہدری فیصل نذیر، انجمن تاجران کے ضلعی صدر محمد جمیل بھٹی اور جنرل سیکرٹری چوہدری محمد صغیر رامے پر مشتمل وفد نے چیئرمین بلدیہ چوہدری محمد عاشق آرائیں سے ملاقات کی جس میں ممبر پنجاب اسمبلی چوہدری ارشاد احمد آرائیں،چیف آفیسر بلدیہ راﺅ محمد علی اور سردار ظہور احمد ڈوگر بھی موجود تھے اس اجلاس میں شہر اور اسکے گردو نواح میں قومی شاہراہوں پر بے تحاشا تجاوزات اور حادثات میں اضافہ پر شدید تحفظات اور تشویش کا اظہار کرتے ہوئے نمائندہ شہریوں نے اس اہم مسئلہ کے حل کا مطالبہ کیا جس پر چیئرمین بلدیہ چوہدری محمد عاشق آرائیں اور ممبر پنجاب اسمبلی چوہدری ارشاد احمد آرائیں نے اس مطالبے کو شہر کے وسیع ترمفاد میں قرار دیتے ہوئے کہا کہ شہر میں اور قومی شاہراہوں کے گرد تجاوزات کا خاتمہ ناگزیر ہو چکا ہے جسے ہر حال میں ختم کروانا جہاں بلدیہ اور دیگر اداروں کی ذمہ داری ہے وہاں تاجروں اور سول سوسائٹی کو بھی اپنا کردار ادا کرنا ہو گا جس روڈ پر بھی تجاوزات کے خلاف آپریشن شروع کیا جائے گا وہاں کے تاجروں کو بلوا کر انکی حدود کا تعین کرنے کے بعد بلاتفریق آپریش ہو گا جس میں کسی قسم کا دباﺅ یا سفارش ہرگز قبول نہیں کی جائے گی اس آپریشن کے لیے اسسٹنٹ کمشنر بورے والا اور محکمہ ہائی وے کی خدمات بھی حاصل کی جائیں گی اور یہ آپریشن یکم مئی سے ملتان روڈ سے شروع کیا جائے گا اور بتدریج مرحلہ وار جاری رہے گا۔