کلینیکل لیبارٹریوں پر مقدمات اور انکی بندش کیخلاف احتجاجی ریلی،لیبارٹریاں بند،مریضوں کو شدید مشکلات
بورے والا(چوہدری اصغر علی جاوید سے)چیف جسٹس کے حکم پر عطائیت کے خاتمہ کی آڑ میں کوآلیفائیڈ لیبارٹریوں پر مقدمات اور انکی بندش کے خلاف بورے والا سمیت پنجاب بھر میں لیبارٹریوں کی شٹر ڈاﺅن ہڑتال آل پاکستان میڈیکل لیبارٹری ایسوسی ایشن کی احتجاجی ریلی،پریس کلب کے سامنے مظاہرہ اور ٹی ایچ کیو کے باہر احتجاجی دھرنا،شہر کی تمام لیبارٹریاں بند ہونے سے مریضوں کو شدید مشکلات کا سامنا،ہیلتھ کیئر کمیشن کالے قانون کی آڑ میں پولیس سے مل کر لیبارٹریوں کے خلاف بلاجواز کاروائیاں کر رہا ہے ،ایک ملک میں دو قانون نا منظور نامنظور کے نعرے ،تفصیلات کے مطابق ہیلتھ کیئر کمیشن پنجاب کی جانب سے نان کوآلیفائیڈ عطائی ڈاکٹرز اور میڈیکل لیبارٹریوں کے خلاف مقدمات درج کرنے اور انہیں بند کروائے جانے پر آل پاکستان میڈیکل لیبارٹری ایسوسی ایشن پنجاب کے نائب صدر چوہدری طارق محمود کی زیر قیادت تحصیل بورے والا کے تمام میڈیکل لیب مالکان نے احتجاجی ریلی نکالی ریلی ٹی ایچ کیو ہسپتال سے شروع ہو ئی اور ملتان روڈ کے راستے پریس کلب پہنچی ریلی کے شرکاءنے ہاتھوں میں بینرز اور پلے کارڈ اٹھا رکھے تھے جن پر ہیلتھ کیئر کمیشن اور پنجاب حکومت کی جانب سے بنائے گئے مبینہ کالے قانون کے خلاف نعرے درج تھے قبل ازیں تحصیل بھر میں تمام میڈیکل لیبارٹریوں کی مکمل شٹر ڈاﺅن ہڑتال کی گئی پریس کلب کے سامنے احتجاجی ریلی اور مظاہرے سے خطاب کرتے ہوئے صوبائی نائب صدر آل پاکستان میڈیکل لیبارٹری ایسوسی ایشن نے کہا کہ پنجاب حکومت نے صوبے میں عطائیت کے خاتمہ کے لیے جو نئے قوانین بنائے ہیں انکی آڑ میں ہیلتھ کیئر کمیشن نے صوبے بھر میں اعلیٰ تعلیم یافتہ کوآلیفائیڈ لیبارٹری ٹیکنیشن کی زیر نگرانی چلنے والی لیبارٹریوں کو بند کرنے اور انکے خلاف پولیس کو مقدمات درج کرنے کا اختیار دے کر سراسر زیادتی کی ہے جس قانون کا اطلاق کر کے حکومت پرائیویٹ لیبارٹریوں کو نشانہ بنا رہی ہے اسی قانون کے تحت حکومت کے اپنے سرکاری ہسپتالوں میں کھلی خلاف ورزی ہو رہی ہے سرکاری ہسپتالوں میں ایک لیبارٹری ٹیکنیشن لیبارٹری چلاتا ہے اگر وہی کوآلیفائیڈ ٹیکنیشن ہسپتال سے باہر پرائیویٹ لیبارٹری چلائے تو کیسے غیر قانونی ہو سکتا ہے ڈرگ ایکٹ 2010میں حکومت نے قانون سازی کرتے وقت میڈیکل لیب کی رجسٹریشن کے لیے الائیڈ ہیلتھ پروفیشنل کونسل قائم کرنا تھی جو آج تک نہیں قائم نہیں ہو سکی میڈیکل ٹیکنیشن باقاعدہ کوآلیفائیڈ ہیں اور عطائیت کے زمرے میں نہیں آتے کیونکہ سرکاری ہسپتالوں میں یہی ٹیکنیشن آج بھی کام کر رہے رہیں جنہیں قانونی حیثیت حاصل ہے انہوں نے کہا کہ پنجاب حکومت اور ہیلتھ کیئر کمیشن عطائیت کو ختم کرنے کی آڑ میں میڈیکل لیبارٹریوں کے خلاف بلاجواز کاروائیاں فوری طور پر بند کرے ورنہ صوبے بھر کی لیبارٹریاں مکمل طور پر بند کر دی جائیں گے احتجاجی ریلی سے میڈیکل لیبارٹری ایسوسی ایشن کے مرکزی راہنماﺅں محمد امجد صدیق،محمد عمر،محمد طارق سلیم،مرکزی میڈیا ایڈوائزر محمد فاروق،ملک سلطان محمود اور دیگر راہنماﺅں نے بھی خطاب کیا جبکہ اس موقع پر چوہدری محمد انور،ملک نثار احمد،ملک عبدالغفار،محمد شفیق جبار اور دیگر راہنما بھی موجود تھے۔
About Author
