پاکستانی سائیکلسٹ نے 20ہزار کلو میٹر سفر طے کر کے عالمی ریکارڈ قائم کر دیا

بورے والا(چوہدری اصغر علی جاوید سے)بین الاقوامی شہرت یافتہ پاکستانی سائیکلسٹ عبدالرحمن پلوا نے 20ہزار کلومیٹر سے زائد کا طویل سفر طے کر کے عالمی ریکارڈ قائم کر دیا،قبل ازیں بھارت کے سائیکلسٹ نے 150200کلومیٹر سفر طے کرنے کا ریکارڈ قائم کیا تھا،عبدالرحمن پلوا کا بورے والا پہنچنے پر شاندار استقبال،لاہور پہنچ کر 21ہزار کلومیٹر کا سفر مکمل کریں گے، تفصیلات کے مطابق پاکستان کے بین الاقوامی شہرت کے حامل سائیکلسٹ عبدالرحمن پلوا نے 25ستمبر 2017کو لاہور سے پورے ملک کا سائیکل پر چکر لگا کر عالمی ریکارڈ قائم کرنے اور پاکستان ایک پر امن ملک کا دنیا کو پیغام دینے کے سلسلہ میں جس سفر کا آغاز کیا تھا اس سلسلہ میں انہوں نے کراچی سے خیبر اور بلوچستان سے گلگت بلتستان کے مختلف شہروں میں جا کر امن کا پیغام بھی دیا جب وہ اپنے اس سفر کے دوران گزشتہ روز بورے والا پہنچے تو ٹریکرز کلب بورے والا کے صدر ڈاکٹر شاہد اقبال کی قیادت میں مقامی ٹریکرز خالد حسین،محمد حنیف زاہد،قاسم خاں سلدیرا،امجد خاں تجوانہ،خان اکبر علی خاں،عبید اللہ معاویہ اور دیگر نمائندہ شہریوں نے انکا پرتپاک استقبال کیا اس موقع پر عبدالرحمن پلوا نے بورے والا میں قیام کے دوران میڈیا کو بتایا کہ بورے والا تک انہوں نے 20ہزار کلومیٹر کا طویل سفر طے کر کے ایک نیا ورلڈ ریکارڈ قائم کر دیا ہے اس سے قبل سائیکل پر طویل ترین سفر 15200کلومیٹر طے کرنے کا عالمی ریکارڈ بھارت کے سائیکلسٹ کے پاس تھا جبکہ ابھی یہ سفر جاری ہے لاہور جا کر اختتام ہو گا جہاں میرا سفر21ہزار کلومیٹر ہو جائے گا انہوں نے کہا کہ میں نے اس سفر کے دوران دنیا بھر کے سیاحوں کو یہ پیغام دیا ہے کہ پاکستان نہ صرف ایک پرامن بلکہ ایک خوبصورت ملک بھی ہے بین الاقوامی سطح پر مغرب میں پاکستان کو ایک غیر محفوظ ملک قرار دینے والوں کو یہ کھلا پیغام ہے کہ پاکستان کے کسی بھی کونے میں اکیلا شخص پرامن ماحول میں سفر کر سکتا ہے۔