انسانیت کی خدمت کرنے والے دنیا اور آخرت میں سرخرو ہونگے ۔ علی اکبر بھٹی ، شیخ شہزاد مبین
بورے والا(چوہدری اصغر علی جاوید سے)ڈپٹی کمشنر وہاڑی علی اکبر بھٹی نے کہا ہے کہ انسانیت کی خدمت کرنے والے دنیا اور آخرت میں سرخرو ہونگے،غریب،مستحق اور نادار لوگوں کے دکھ بانٹنا عظیم عبادت ہے ایسے لوگ معاشرے کا فخر ہوتے ہیں،بے سہارا اور نادار لوگوں کی مشکلات کے ازالہ کے لئے اللہ تعالیٰ کے دیئے ہوئے رزق سے حصہ ڈالنے والے ہمارے لئے مشعل راہ ہیں،پسے ہوئے طبقہ کی خوشیوں کو اپنی خوشی سمجھ کر ان میں شریک ہونے سے اللہ کی خوشنودی حاصل ہوتی ہے،کوثر مجید ویلفیئر ٹرسٹ غریب،نادار مستحق اور بے سہارا لوگوں کے لئے امید کی کرن ہے شیخ شہزاد مبین اور انکے دیگر ساتھیوں نے جن فلاحی منصوبوں کی روایت ڈالی ہے وہ قابل ستائش ہے غریبوں کے مالی بوجھ کو کم کر کے انکی مشکلات کو حل کرنا افضل عبادت ہے،ان خیالات کا اظہار انہوں نے کوثر مجید ویلفیئر ٹرسٹ بورے والا کے زیر اہتمام وہاڑی روڈ وکٹوریہ مارکی میں 15غریب جوڑوں کی اجتماعی شادیوں کی تقریب سے خطاب کرتے ہوئے کیا تقریب میں کوثر مجید ویلفیئر ٹرسٹ کے ڈائریکٹر شیخ شہزاد مبین،پرنسپل گورنمنٹ کالج پروفیسر محمد اشرف چوہدری،پرنسپل پنجاب کالج پروفیسر مجید اکبر،سابق ایم ایس ڈاکٹر ایم اے رﺅف بھٹی،پی ٹی آئی کے سینئر راہنما ڈاکٹر سہیل عزیز،ڈپٹی ایم ایس ڈاکٹر محمد عمران بھٹی،ڈی ڈی ایچ او ڈاکٹر رانا محمد اکرم،سابق وائس چیئر مین ضلع کونسل ساہیوال چوہدری محمد اکرم جٹ،سابق ایم این اے محمود حیات ٹوچی خاں،پروفیسر جاوید اقبال خاں،پروفیسر ظفر عبداللہ،بزرگ صحافی احمد وسیم شیخ،جنرل سیکرٹری”ایمرا“چوہدری اصغر علی جاوید،محمد شیر خاں کھچی،پروفیسر خوشی محمد شہزاد اور دیگر نمائندہ شخصیات کی کثیر تعداد نے بھی شرکت کی۔
About Author
