بورے والا شہر میں ڈاکو راج قائم ہو گیا،پولیس نے ڈاکوﺅں کے سامنے گھٹنے ٹیک دیئے،شہری پریشان

بورے والا(چوہدری اصغر علی جاوید سے)بورے والا شہر میں ڈاکو راج قائم،پولیس نے ڈاکوﺅں کے سامنے گھٹنے ٹیک دیئے،پانچ نامعلوم مسلح ڈاکو پاکستان آرمی کے حاضر سروس میجر اور اسکے اہل خانہ کو یرغمال بنا کر چھ لاکھ نقدی اور 25لاکھ سے زائد کے زیورات لوٹ کر فائرنگ کرتے ہوئے فرار،پولیس منہ تکتی رہ گئی،شہریوں میں خوف کی فضا برقرار،ایس ایچ او ماڈل ٹاﺅن کے دعوﺅں کی قلعی کھل گئی،تفصیلات کے مطابق بورے والا شہر خصوصاً تھانہ ماڈل ٹاﺅن کی حدود ڈاکوﺅں کی جنت بن گئی آئے روز ڈکیتی کی وارداتوں کے سامنے پولیس نے گھٹنے ٹیک دیئے گذشتہ روز ڈی بلاک کے رہائشی حساس ادار ے کے میجر کاشف افضل بھٹی اور انکے دونوں بھائی آصف افضل ایڈووکیٹ اور عمران افضل مغرب کی نماز ادا کر کے جو نہی گھر پہنچے تو گھر میں پہلے سے موجود 5نامعلوم مسلح ڈاکو جنہوں نے گن پوائنٹ پر تمام اہل خانہ کو یرغمال بنا رکھا تھا تینوں بھائیوں کی وقفہ وقفہ سے گھر واپسی پر انہیں اسلحہ کے زور پر دبوچ کر اہل خانہ کے ہمراہ ہاتھ پاﺅں باندھ کر ایک کمرہ میں بند کر لیا تمام اہل خانہ سے موبائل فون چھین کر دوران تلاشی تینوں بھائیوں سے 6لاکھ روپے نقدی جبکہ گھر میں موجود خواتین کے 40تولہ سے زائد کے طلائی زیورات لوٹنے کے بعد فائرنگ کر کے خوف و ہراس پھیلاتے ہوئے شہر کے وسط سے باآسانی فرار ہوگئے واقعہ کی اطلاع ملنے کے آدھ گھنٹے بعد ایس ایچ او تھانہ ماڈل ٹاﺅن بھی موقع پر پہنچ گئے اور علاقہ کی ناکہ بندی کروانے کی بجائے متاثرہ خاندان سے ڈکیتی کی واردات کے متعلق روائتی انداز میں پوچھ گچھ شروع کر دی تاہم اسی اثناء میں ڈی ایس پی بورے والا نے فوری طور پر بورے والا شہر کی ناکہ بندی کروا کے ملزمان کی گرفتاری کیلئے ٹیمیں روانہ کر دیں حاضر سروس میجر کے گھر پر سر شام ہونے والی اس ڈکیتی کی واردات کے بعد شہریوں میں شدید خوف و ہراس پھیل گیا جبکہ گذشتہ 15روز سے ڈکیتی کی پے در پے وارداتوں کے بعد ایس ایچ او تھانہ ماڈل ٹاﺅن کی ناقص کارکردگی کھل کر سامنے آ گئی لیکن تاحال نہ ہی کوئی ڈاکو گرفتار ہوا نہ ہی ایس ایچ او کے خلاف کوئی کاروائی سامنے آ سکی ہے شہریوں نے آئی جی پنجاب اور آر پی او ملتان سے اس صورتحال پر فوری قابو پانے کا مطالبہ کیا ہے۔