منی پٹرول پمپ میں آتشزدگی واقعہ میں ٹوٹے ہوئے تار سے چھو کر ٹرک کا ہیلپر جاں بحق
بورے والا(چوہدری اصغر علی جاوید سے)معصوم شاہ روڈ پر منی پٹرول پمپ میں آتشزدگی واقعہ میں ٹوٹے ہوئے تار سے چھو کر ٹرک کا ہیلپر جاں بحق،واقعہ کے بعد تمام غیر قانونی منی پٹرول پمپ شہر سے غائب،غیر قانونی منی پٹرول پمپوں کی بھرمار کے خلاف شہری سراپا احتجاج،سول ڈیفنس آفیسر اس غیر قانونی دھندے کے ذمہ دار ہیں،شہریوں کا ردِ عمل،تفصیلات کے مطابق گذشتہ شب معصوم شاہ رو ڈپر نصب غیر قانونی منی پٹرول پمپ پر پیش آنے والے آتشزدگی کے خوفناک واقعہ میں منی پٹرول پمپ کے مالک سمیت آٹھ افراد جن میں خواتین اور بچے بھی شامل تھے بری طرح جھلس گئے تھے جبکہ ملحقہ گھر اور دوکانیں جلنے سے لاکھوں روپے کے سامان کا نقصان بھی ہوا جس پر انتظامیہ فوری طور پر حرکت میں آئی آگ پر قابو پانے اور زخمیوں کو ہسپتال منتقل کرنے کے بعد ڈی سی وہاڑی نے ان غیر قانونی پٹرول پمپس کے خلاف سخت کاروائی کی یقین دہانی بھی کروادی تھی اور منی پٹرول پمپ کے مالک پرویز نواز کے خلاف مقدمہ درج کروادیا تاہم اس بڑے حادثہ پر مقامی شہریوں سید سجاد حسین بخاری،سید زاہد حسین مشہدی،میاں محمد اشرف ،عبدالرﺅف چوہدری،چوہدری اعجاز اسلم،ملک فاروق اعوان،غلام مصطفےٰ بھٹی اور دیگر نمائندہ شخصیات نے شدید ردعمل کا اظہار کرتے ہوئے کہا کہ ان غیر قانونی منی پٹرول پمپوں کے خلاف شہریوں نے متعدد بار احتجاج کیا اسسٹنٹ کمشنر بور ے والا راﺅ تسلیم اختر نے بھی انکے خلاف آپریشن کیا لیکن سول ڈیفنس آفیسر کی مبینہ ملی بھگت اور چشم پوشی سے یہ کاروبار دوبارہ شروع ہو گیا جو کہ ضلعی انتظامیہ کی نااہلی ہے اگر اس غیر قانونی دھندے میں ملوث افراد کے خلاف سخت کاروائی کر کے انہیں بند نہ کروایا گیا تو شہری اسکے خلاف سڑکوں پر آنے پہ مجبور ہو جائیں گے دریں اثناء معلوم ہوا ہے کہ اس حادثہ کے نتیجہ میں بجلی کی ہائی وولٹیج تاریں ٹوٹ کر زمین پر گر پڑیں جسے راستے سے ہٹانے کی کوشش میں ایک ٹرک کا کنڈیکٹر ہارون آباد کا رہائشی 23سالہ محمد اکرم کرنٹ لگنے سے موقع پر ہی جان بحق ہو گیا۔
About Author
